Tiktiwin timenza - imagraden n weɣmis Tamurt - articles du journal "Le Pays"

Imagraden i d-yura Amar Tafat deg uɣmis "Tamurt" deg iseggasen n 90 aten-i 10 deg ubidyu, akked wiyiḍ, yal tamuqqint n tugniwin d imagraden(articles) - diaporama. 

---

---

---

Tazwert 

Kra n yimagraden i d-uriɣ, ffɣen-d deg weɣmis Tamurt, (neɣ s tefṛensist, le journal Le Pays), ḥerzeɣ-ten imi ten-ḥesbeɣ d aktayen yessɛan azal mačči d kra, ttwarun akken iwata, fiḥel ma yella ullseɣ-asen tira d useɣti. Tutlayt n tmaziɣt s tira talatinit n yiseggasen n 90 tettban-d d tamɛemrit, mačči am tagi n tura, maca tban-d d tameẓlant(cohérente) ur telli d tin iɛewjen, ɣas akken tura sasehlen-tt kra iselmaden n tmaziɣt, sneɣsen-as tuccar d tneqiḍin ddaw n kra n yisekkilen.  

Aɣmis Tamurt d yiwen gar yiɣmisen imezwura i as-yefkan azal i tmaziɣt, ar deqqal n tesɣunt tafsut d aɣmis Asalu i d-yetteffɣen s tmaziɣt s lekmal, ar deqqal n usalu d aɣmis Tamurt. Deg sin yiɣmisen imezwura Tafsut akked Asalu nek yuɣ-iyi lḥal d asxeṛbubec i sneɣ s tutlayt n tmaziɣt, urɛad ṣawḍen i wakken ad d-ttaruɣ imagraden, maca aɣmis Tamurt d netta i yi-d-yegan afud, d netta i yi-d-yellin tawwurt tamezwarut i tira, deg-s i lemdeɣ tirawt, armi uɣaleɣ ttaruɣ s tehri, ɣas akken lliɣ send-is d amedyaz, maca aɣmis Tamurt yega-yi-d tabɣest s wayes zeggreɣ ɣer tirawt tunṣibt, imi netta yettwassen, yettezzi-d i tmurt leqbayel s umata,  ssnent akk imaziɣen s umata, yettnuz di lezzayer tamaneɣt, di yal tamnaḍt n Lezzayer sumata. Ihi d awezɣi ad ttuɣ ayen uriɣ deg weɣmis Tamurt neɣ ad nekkṛeɣ asebɣes-is. Diɣen ur tettuɣ ara iɣmisen nniḍen i d-yeffɣen ar deqqal n weɣmis Tamurt s tutlayt n tmaziɣt, am Izen Amaziɣ, aɣmis Yallas, aɣmis Azul si Bgayet, aɣmis Iẓuṛan, ABC Amazigh, Tafuɣalt si Timizart n At Jennad, wigi akk daɣen s wazal-nsen, uriɣ-d deg-sen akken llan, ɣas ula ṛuḥen ur d-yegri ula d yiwen deg-sen.

Tura aqli ɛewleɣ-d ad ṣeggmeɣ timsal s kra n wedlis amecṭṭuḥ fkiɣ-as isem «Tiktiwin timenza », ad awen-d sneɛteɣ ayen uriɣ deg weɣmis tamurt, s yimagraden i d-uriɣ deg isebtaren-is n tmazɣt, ad tafem imagraden-iw, ttbanen, feṛzen, ad wen-sehlen i tɣuri, dɣa ma s uselkim(ordinateur pc) ad tgerrez tɣuri am wakken deg wedlis. Sarmeɣ ad d-ruɣ ad d-afeɣ imagraden nniḍen i d-uriɣ deg uɣmis Tamurt, i wakken ad temmed tirrect. Ɣret wigi tura s tezmert n tɣuri-nwen.

---

1 

2 

3 

4 

5 

6 

7 

8 

9 

10 

11 

12 — Asebtar-a n weɣmis «Azul » i d-itteffɣen di Bgayet 

13 

14 

15 

16 

17 

18 

19 — asebtar n weɣmis Iẓuṛan — immeslay-d deg-s Amar Tafat

20 

21 — asebtar-a n tesɣunt ABC Amazigh n Mass Meǧbeṛ - yura-d ɣef warraz n Lmulud Mɛemri

22

23

24

25

---

_{© Tous droits réservés – Lecture autorisée, partage permis avec mention de la source. Reproduction, téléchargement ou utilisation commerciale interdits.}