Amar Tafat ameskar(auteur) s tutlayt n tmaziɣt

Publié le 12 février 2026

Ayen yura umeskar, amyaru - Amar Tafat

Amar Tafat d ameskar deg waṭas n taɣulin di tirawt s tutlayt n tmaziɣt, d amedyaz, d aneɣmas, d amaru. Deg waṭas aya i yebda, di 1990.

Tura atan yessuffeɣ-d 4 n yidlisen ɣef site ines Tamaziɣt ass-a , mačči seg usebtar amezwaru ɣer uneggaru, maca yefka-d tirniwin timeqranin deg-sen, yerna yettili-d ukemmel fell-asen. Idlisen ara tafem ɣef site Tamaziɣt ass-a d wigi, ad tafem assaɣ i wakken ad tzeggrem ɣur-sen: Awal n umedyaz, deg-s ad tafem alamma d 25 n isefra; Ageffur n tefsut, azal n 100 n isebtaren; Abrid n Tafat, Ixef1, 20 n isebtaren; Inzan n teqbaylit iqburen, azal n 200 n yinzan.

Am wakken ara t-naf isawel-d awal-is d tmedyazt-is deg ibidyuten-is ɣef usebtar-ines n Facebook d umaṭṭa-ines n Youtube Amar Tafat amedyaz, iɛedda-d di ṛadyuwat d tiliẓṛiwin.

Am wakken ara t-naf yura deg yeɣmisen yezrin deg iseggasen n 90, aɣmis Tamurt, tasɣunt Tafuɣalt, Aɣmis Azul, Iẓuṛan, tasɣunt Izen Amaziɣ, Aɣmis Yal ass, tasɣunt Amussnaw, artg...