Amsawal - conversation - adlis n tmedyezt - Amar Tafat

Tamedyezt tatrart - Amar Tafat - 20 di fuṛaṛ 2026

Amsawal

Tazwert - intoduction

Taqṣiṭ n umsawal ɣezzifet nezzeh, ɣur-s ṭam (8) n yixfawen, tuṣka s tewsit n bu kṛaḍ[aab], am uɣanib n Si Muḥend U Mḥend. D yiwet n tmacahut n tmedyezt i uriɣ deg iseggasen yezrin... tuṣka ɣef llsas n umeǧaddel i d-yellan gar sin n yimussnawen, yal wa d tiktiwin i ɣur-s. Amezwaru inebbcen s wawal, neɣ am wakken yettakk wemdan tuttriwin i wayeḍ, neɣ ad d-nini tiktiwin-is uṣkant ɣef ubaɣur kan n tudert taḥerfit n uɛebbuḍ, iteddun akked tama iǧehdden, ɣas akken di tillawt yefka tiyita i yiman-is, wagi d win i wumi fkiɣ isem Win-a. Yella wis sin d win s-ittqeṛṛiɛen kan, yerna yettarra-yas s webrid iwulmen ameẓlan d tmussni d tussna, wagi fkiɣ-as isem: Uḥdiq. Ismawen di tmacahut ur sɛin ara anamek am ugbur ma yewwi-d kra d amaynut, neɣ ayen ara yelmed wemdan d tamussni akken yebɣu yili weswir-is. D wa i d abrid agejdan n wedlis-a, d wa i d iswan-is s umata.
Di tmacahut Amsawal aṭas n temsal d yisental i ɣef i d-wwin Win-a d Wuḥdiq, ayen akk i s-yellan di tidmi i wemdan amussnaw yezmer ad t-yaf deg ugbur-is. D isental ur nettḍuṛṛu imeɣri, ulac deg-is timsal ur nemɛin, neɣ iberdan yettawin ɣef tmenǧeṛt. Mi ara iɣer wemdan, d anemgal aṭas n temsirin ara d-yagem d tmussni d yiwellihen s abrid n tirrugza tamaḍlant tameẓlant.

_{Tamawt: Adlis Amsawal yeffeɣ-d yagi di Youtube s wudem n ubidyu, yal Ixef s ubidyu-ines, deg umaṭṭaf n Amar Tafat(amedyaz).}

---

Le récit du narrateur est très long, il comporte huit chapitres et est écrit sous forme tercet[aab], dans le style de Si Muḥend U Mḥend. C'est un récit poétique que j'ai écrit il y a des années… Il s'inspire d'un débat entre deux savants, chacun défendant ses propres idées. Le premier s'exprime par les mots, ou plutôt par des questions, ses pensées étant guidées par les besoins matériels, privilégiant la force brute, même s'il s'est lui-même donné une leçon. C'est celui que j'ai nommé Win. Le second, lui, se contente de lire et de répondre avec justesse, en s'appuyant sur le savoir et la science. Je l'ai nommé Uḥdiq. Dans un récit, les noms n'ont pas d'importance en tant que personnages, s'ils apportent un éclairage nouveau ou si l'apprentissage constitue une connaissance, quel que soit le niveau de chacun. Telle est l'orientation principale de ce livre, et tels sont ses objectifs généraux. Le récit du narrateur aborde de nombreux thèmes et problématiques. Les sujets abordés ne sont pas nuisibles au lecteur ; ils ne contiennent aucun problème superflu ni aucune digression. La lecture permet d’acquérir de nombreux enseignements, connaissances et conseils pour un monde durable.

_{Note : Le livre Amsawal a déjà été publié sur YouTube sous forme de vidéo, chaque chapitre ayant sa propre vidéo, sur la chaîne d'Amar Tafat (poète).}

---

Tamedyezt-iw amek-itt

Inna-yak yiwen :
— Tamedyezt-ik ur tt-fhimeɣ ara!
Nniɣ-as: 
— Ulac i ysehlen am tmedyazt-iw, tebna ɣef llsas n tgemmi, d umezruy, tettkemmil s usentel deffir wayeḍ, alama tewweḍ ɣer ssqef.
Yenna-k:
— Zik selleɣ-ak di ṛadyu ɣer Gerruj Rabaḥ, anda akk i d-εeddaḍ sliɣ-ak. Nniɣ-as
— Ɛeddaɣ-d azal n 30  yiberdan. Ɛeddaɣ-d di yal ṛadyu n imaziɣen iḥemmlen tamaziɣt, di yal tidukla iḥemmlen idles d tutlayt-nneɣ, di yal adeg i as-ifkan azal seg ul.
Yuɣal yenna-yak
— Tura keṛhen medden ad slen i tmedyezt yelhan n tidet.
Nniɣ-as:
— Nek ur ttaǧǧaɣ ara tamedyezt ad teɣli, imi mačči d ayen ittwaḍeggaṛen, win ara d-yawḍen ɣer tmedyazt, ad as-iniɣ "ecc akkin!".
Yenn-ak:
— D uḥdiq i grefden ayla-s
Nniɣ-as:
— Twwwwwalaḍ tura imi tfehmeḍ. Akka ad ak-iniɣ tanemmirt.

---

-- Ixfawen ineggura -- Ixfawen n Umsawal,6,7,8

Ixef 1

Yenna-yas Win-a: D acu-k tura keččini? Ay ameksa bulli Irad Rebb 'ad k-mmleɣ Terriḍ iman-ik d itri Amkan-ik deg genni A tt-ẓṛeḍ anda zedɣeɣ Nek isem-iw afeḥli Učči d iɣimi Azal-ik ur t-sarmeɣ Yerra-yas Wuḥdiq: Taqsit-ik yif-itt Carlo Ur tewiḍeḍ d imru S ittarun imedyazen Tasusmi temiḍ aɣzu Temɣer n budu Ma tt-ɛandeḍ ilelliyen Lemmer ɣur-k aqerru A tt-naqleḍ deg usu A tt-cbuḍ imussnawen

— 4 —

---

Yenna-yas Win-a: Ad ttreɣ deg-k asuref Allaɣ-iw yetlef Ur lliɣ di lɣerḍ-iw Mi k-walaɣ ɣilleɣ d ilef Rziɣ-k s uɣenddef Ziɣen kečči d areyliw Lmumen ad ak-yanef Awal-ik izellef Uɣalet-d a lehduṛ-iw Yerra-yas Wuḥdiq: Ɣileɣ a tt-lemdeḍ ɣur-i A tt-awiḍ tamussni Meqqar ad jjint wallen Ad ak-d-fsiɣ tiyersi Ddel ad yeɣli A tt-sewqeḍ am yirgazen Kečč tusiḍ-d am lusi A tt-ɣileḍ d abruri Nek regwleɣ seg wungifen

— 5 —

---

Yenna-yas Win-a: Azul fell-ak ay uḥdiq Amkan-ik di ddiq Awi-d a tt-ṛwuḍ aɣrum Ac'ara k-d-yefk weḥṛiq D tira neɣ d acewwiq Ur tteẓẓuɣ lehmum Tussna-yagi d aɛewwiq Ul iw ur tt-iɛciq Am tṛekiṭ bwemcum Yerra-yas Wuḥdiq: Aqli d uɣrum d yiseɣ Tidet a tt-hedṛeɣ Am lḥemddu di tẓallit Tezdeg ur fell-as zeggreɣ S igenni a tt-refdeɣ A tt-ali am teqbaylit Deg weɣref ad selmadeɣ Timetti a tt-şeggmeɣ Nek ur lliɣ d axabbit!

— 6 —

---

Yenna-yas Win-a: A k-d-rreɣ ay amddakwel Lɣaci-nneɣ yedɣel Wissen ma k-ğğen tardast Aqlaɣ di tigi newḥel Tamussni d aɣbel Ad ak-d-gen taɛesast Lɣaci ttran ddel La ttṛebbin ddɣel Am tzizwa di teɣrast Yerra-yas Wuḥdiq: Deg-sen ur cliɛeɣ ara Sneɣ-ten meṛṛa Am lḥebb d walim Aclim ad yeddu d takka Ad d-awiɣ aɛeqqa Azal-is am udrim S cwiṭṭuḥ n zerriɛa A d-rreɣ meyya Xir ma zedmeɣ-d aɣanim

— 7 —

---

Yenna-yas Win-a: Cukkeɣ tettarguḍ tafsut Yerna di tneẓṛuft Sdat yejdi d iceṛfan Win iɛecqen di tefrut Ɛeddi kečč selhu-t Neɣ err-it-id d amdan Awal-agi ɣas ttu-t Iqfel useksut Beṛka-k di tirga lemḥan Yerra-yas Wuḥdiq: Ɣur-i ay din d allalen Izgaren d lembwaɛen Ula d tamacint tella Ad kerzeɣ isamaren Ad muɣ iɣallen Tezmer-asen tgwersa Ad ğuğgen ibawen Irden ad ssiwden Abeṛwaq ur yettɣima

— 8 —

---

Yenna-yas Win-a: Ɣur-k a s-tiniḍ tewḍeḍ Arğu kan ara d-megreḍ Din ay lhan isallen Teṛẓeg m'ur tt-tessineḍ Imi-k a t-keṛṛeḍ Wid ijeṛben tter-iten Taqbaylit ma tt-tisineḍ Ma yella tt-tessiɣed Isenanen qbel-iten Yerra-yas Wuḥdiq: Ma yenna-d tidet Ṛebbi Yid-i ad yili Ula d lejdud a d-kkren Ayen yeqquren ad yefsi A t-naɛrek am rekti S tḥirfat n ifassen Nek ur ssneɣ taguni Ur ḥebseɣ tikli Meskud Mazal iḍaṛṛen

— 9 —

---

Yenna-yas Win-a: Bdiɣ ttamneɣ yiss-k Armi d ulamek Amzun ugmaɣ-d di tala Riɣ ad dduɣ yid-k Tamurt a tt-neslek Lemmer di tella lfayda Amek ara ɛandeɣ ɣur-k? Anef-iyi kan ttxil-k Wid-ik ur k-ḥsiben ara!! Yerra-yas Wuḥdiq: Awlidi xdem tafeḍ! Barka-k ur ttecceḍ Amahil akw d lfayda Tiktiwin ara tkesbeḍ Yiss-nt a tt-rebḥeḍ Yern'ad frunt tlufa Ma d işurddiyen i tɛebbdeḍ Amezruy ur tuklaleḍ Qqim a tillas di lehna ...

_{Tekfa teqsiṭ ass n 29 dujember 2003}

— 10 —

---

Ixef 2

Yenna-yas Win-a: Ma triḍ a s-nkemmel Awal a d-yenɣel Amsawal yecban aḍu Kulci ar ɣur-k yeshel Zzux d ufeşşel Win i k-d-islan ad iru Aḥlil-k a rebḥ-iw infel Atas i neṛmel Abujad ur d-ittnulfu Yerra-yas Wuḥdiq: Anşuf yiss-k ay uḥric Tecbiḍ adderwic Ur ik-yebwin ɣer tira Nekin'ur lliɣ d aqcic Wala d bu ttnefcic Ttamneɣ kan s tirrugza Yefka-yi Ṛebbi lɛic Ma yerna-d maɛlic Askulleẓ ur tessineɣ ara

— 11 —

---

Yenna-yas Win-a: Yak nniɣ-ak tweɛreḍ Akka d-qqareḍ Kečč i d tafat n tmura Aqla-k annect ibireḍ Ur iyi tezmireḍ Ulayɣer nerna tuzzma Ɣas ma tzeyneḍ tqerṣeḍ And❜akka tebwḍeḍ? Susem axir ur d-renn'ara Yerra-yas Wuḥdiq: Ay aqeṛṛu bwaxuten S terbaɛt bwuccanen Mel-iyi-d d ac'i d tudert Ma tettṛebiḍ izmawen Neɣ ɣur-k imassanen Ɣas ini-d kra f tezmert Ẓṛiɣ aɛeṛqub ibawen D uqecwal yeččuṛen S tewṛiqin n tebzert

— 12 —

---

Yenna-yas Win-a: Anda tessawḍeḍ timsal Ur ifaz userwal Lbista ur tt-teksibeḍ Tezwareḍ kan ar miḥlal Am bab umellal Iman-ik ur tessakdeḍ Ay aḥeddad bwawal Texḍid i lecɣal Lemmer axir ur d-lulleḍ Yerra-yas Wuḥdiq: Wal'akkin ternuḍ akka Ṛuh and' i k-ihwa Ay id-tafeḍ zdat-k Tidett ur tt-tettɣumuḍ ara Ma tegiḍ nmara Ɣur-k iẓṛi-k ad ihlek Baṛk' asuref ɣef tussna Am burebu s agama Igi yelhan m'a k-islek

— 13 —

---

Yenna-yas Win-a: Sliɣ yiss-k kan d ccix Bu ysefra d ufeddix S akkin tettaruḍ kra Di lğib-ik yewet yixix Ticcert-ik d six Syen ddaɛwessu tebda Abrid tebwid yettkellix Anwa ur iclix? Meyyez cittuh i wzekka Yerra-yas Wuḥdiq: Ccix Muḥend d Platon Yusef U Qasi d Solon Ekker tura sfeḍ-iten Azal mačči d acuffu Abḥal n utemmu Am win yeṭṣen yerra syen Ddunit agi tettɣuṛu A tt-ɣibeḍ am cbirdu Wid-ik ur d-ttmektayen

— 14 —

---

Yenna-yas Win-a: Acu d-snulfaḍ yufeg? Ur walaɣ inṭeg Nek ttamneɣ s tɣawsa Awal-ik ɣur-i yezleg Ṛay-ik idegdeg Am win iswan cira Azrem ɣef udem ittecceg Ay at n tezdeg Akk' i tellam s umata Yerra-yas Wuḥdiq Lemmer di da tessineḍ Idles a tḥesbeḍ Imi d netta i d llsas Titiknit... agi theddṛeḍ Tekka-d di Ikaɣeḍ Ur illi di lexşaş Di leḥsab-ik tesxeṣṛeḍ Ur teẓṛiḍ ur teqqaṛeḍ Kra d-tenid d amesas!

— 15 —

---

Yenna-yas Win-a: Teẓṛid d acu s ittamneɣ? Ad ččeɣ ad ṭşeɣ Ad lseɣ ayen i yihwan Ẓṛiɣ yibwas ad mteɣ Ar wakal ad uɣaleɣ Am watas nni yezran Deg yixef-iw ur ttṛuẓeɣ Beẓɛen ad beẓɛeɣ Wid iẓewṛen akw ẓṛan Yerra-yas Wuḥdiq: Kečč d abedwi s timad-is Azal-ik ṛxis Daymi tɣunfaḍ taɣerma Yif-it ma telliḍ d ukyis A tt-sɛuḍ lqis A d tiniḍ aqli sya Win iḥemmlen iman-is Itetter nnig uzref-is D anaẓuṛ di takweṛḍa

— 16 —

---

Yenna-yas Win-a: Keṛheɣ ad waliɣ udem-ik Wal'ad sleɣ i yisem-ik Tura ṣḥa d lehna ṣekṛeɣ Ur ḥwaǧeɣ imeslayen-ik Err akkin tikli-k M'ar lğennet ad surfeɣ Efkiɣ-ak taqbaylit-ik Nadi ɣef lemtel-ik Ur ttnadiɣ ad ɣreɣ Yerra-yas Wuḥdiq: Azal-ik ar k-ittwali Eẓeṛ-it di lemri Erwel ɣef laɛyub ternuḍ Nek teẓṛiḍ d aqbayli D gmas n Maɛmeri Mekti-d ma tettuḍ S ugerruj ur nettṣeḍḥi Am tura am zik-nni D iman-ik i tettɣunfuḍ

_{Tekfa teqsiṭ ass n lexmis 26 di Furar 2004}

— 17 —

---

Ixef 3

Yenna-yas Win-a: Tafrut fell-ak ur tt-kkseɣ Ad galleɣ ur ḥenteɣ Alama tekfiḍ awal Akk'ara k-ttkerriceɣ Cama a k-tt-ğğeɣ Imi tettraḍ tiččeqlal Nek teẓṛiḍ ur skerkisɣ S Tmaziɣt ur ttwasneɣ Ɣas ulama d aɛeggal Yerra-yas Wuḥdiq: Meslay ternuḍ sṭenṭun Ur tebwiḍeḍ d uṭṭun Zedwa-k am ḥerbebu Semmaɣ-ak kan aɛeggun Terniḍ aqelmun Uḥdiq fell-ak ad yecfu Yerra-k zman d aserdun A win yettnuzun Tbeddleḍ isem-ik s dduṛu...

— 18 —

---

Yenna-yas Win-a: D'acu-t akka Masnsen ? Ternam-aɣ-d Yugurten Erret-aɣ kan ɣer tijehlit Anda yella kr'uwaɣzen A terrem nwen Tettzuxum s tṛeḥalit Tettwasnem d imeksawen S wulli akked tɣeṭṭen Aya ɣr-i nek ɣas err-it Yerra-yas Wuḥdiq: Tismin-ik zrant tilas Ffɣent-k tisas D aserwet beṛṛa bwennar Tewḍeḍ s izem d uɣilas Ur neqbil tirwas Ezzi kan a Menddayer F udem zaɛma d aterras Anamek-ik d aɣerwas Ih' allaɣ-ik d acawrar

— 19 —

---

Yenna-yas Win-a: Gzaɣ ssneɣ ugar-ik Ɣas lldi-d allen-ik Aswir-iw iwweḍ tignaw Kečč d cceṛ i d nnfeɛ-ik Dawal i d lqut-ik Awi-d ma yella wuraw Ɣas wzen imeslayen-ik Tmuqleḍ iman-ik A tt-afeḍ maza-k d azwaw Yerra-yas Wuḥdiq: Akk' ay tettwaliḍ tikwal ..., Tumneḍ s tjeɛɛal Armi i tezliḍ laşel-ik Treggmeḍ bab bwawal Iferrun timsal Aḥlil a leqdeṛ-ik Tcekreḍ adernu buffal Tɛuyreḍ ddkir d wuzzal Tifeḍ amussnaw a lxiṛ-ik!

— 20 —

---

Yenna-yas Win-a: Eṭṭeṣ kan ernu targuḍ Ma d nek ara tecbuḍ Zheṛ-iw yif kullec-inek Ma tt-mehleḍ eyya tt-dduḍ Zdat-i a tt-knuḍ Ɣas ul-ik m ad ihlek Ma teddiḍ yid' a tt-sɛud A tt-ččeḍ a tt-ṛwuḍ Nessarem ixef-ik ad islek Yerra-yas Wuḥdiq: A ṛay yessebzagen axxam ! Akk' ay d lḥemmam D acu d lḥirfa-k aɛni? Dadda-k ibda d aṛeqqam Ittaru s lewqam D amedyaz yra Ṛebbi Yal taḥirfat d akaram Cɣel-iw d aşeggam Ur tt-ili mgal tikti

— 21 —

---

Yenna-yas Win-a: Ay axeddam ameḍṛuṛ Meqqar ur ttuzzur Akken ara tgerzeḍ yal ass Senɣes asuget lehduṛ Ur ttili d aɛeqquṛ Anaɣ diri tixidas Acu yerbeḥ uẓeṛẓuṛ Ittnadin azemmur Tikwal itett d aḥlalas Yerra-yas Wuḥdiq: Galɛum akellex s tidet Ur lliɣ d tisilet Tedduɣ s izerfan seg zik Tessneḍ tanddit s txegget Ahya bu tḥilet Iḍelli teffɣeḍ si ẓmik Ay afṛux war tiferet Tettṛağu-k tergget Ak-skenfen a nger-ik

— 22 —

---

Yenna-yas Win-a: Tura bdi ttagwadeɣ D lawleya ukud heddṛeɣ Unzeɣ-as i Ibaṛaka-k S immal netgeɣ ttafeɣ Ayen ur ssineɣ Ufiɣ-t-id di tmenna-k Ad ɛeddiɣ kan ad sbeddeɣ Awal ur t-id-kemmleɣ Ammer ad aɣeɣ di cetla-k Yerra-yas Wuḥdiq: Nek tanmirt ad ak-iniɣ D tamusn' i d-seɣliɣ Yid-k a ttimɣur teqṣiṭ Menwala ur das kniɣ Teẓṛiḍ d amaziɣ A k-ččaṛeɣ taculliṭ S tigzi kan i k-rziɣ Akken a k-sakwiɣ Kečč tugaṛeḍ ẓalamiṭ

— 23 —

---

Yenna-yas Win-a: A win yugaren times Asɣar ur k-t-nekkes Akebri ma tebyid yella Yal wa Ṛebb' anda t-isres Fell-ak tezga taɛkkes Di twenz' akk' i dak-yura Freg kan şeggem fres D aneyyir ur t-kerres Enddeh tedduḍ ɣer lexla Yerra-yas Wuḥdiq: A wagi yecban aɛluḍ D aqjun ameşşuḍ A k-nerr taqlaṭ d snesla Iwet-ik llaẓ ɣer uɛebbuḍ Dawezɣ' a tt-cfuḍ Anw'i k-yufan tuga Lemmer tukiḍ a tt-ttruḍ Awinat tettuḍ Tesɛid ur telliḍ ara ...

_{Tekfa teqsit ass n larebɛa 17 di meɣres 2004}

— 24 —

---

Ixef 4

Yenna-yas Win-a: Tuqefza tikli s laɛqel Amek ara neddukel Ay amaziɣ s tmaziɣt Yettban zher-ik yefcel Isem-ik yettuṛmel Tzegleḍ rezg s temnirt Anwa yufan a k-imell D abrid a k-ibedel A k-id-yekkes si texmiṛt Yerra-yas Wuḥdiq: Sliɣ-ak-in a lmeyyet Ɣas mu snehtet di lḥamu d taṣmuḍi Di zuɛama ɣas cemmet Ur ttsetḥi senɛet- Asen i wid ur neẓṛi Tweɛɛaḍ taswiɛt sserwet D acu... tara-k werraɣet A bab' akka d aḥerki !

— 25 —

---

Yenna-yas Win-a: Lemmer kan tecbiḍ-iyi A ččeḍ tamemt d wudi Axxam ifazzen a tesɛuḍ Ɣef yixef-ik tezga terwi Qqim kan d aqbayli Melmi ara d-nulfuḍ Anef-aɣ meqqaṛ a weddi Ulayɣer tiḥeṛci Akal i tyerza iluḍ Yerra-yas Wuḥdiq: Tugarem-aɣ gar iderɣalen Nessader sdat-wen Ay at zzux d useglef Qquṛen kan ixfawen-nwen Urzent wallen-nwen Amassan yid-wen iquṛṛef Mbiwlet ay isirwen Aggur itran fell-awen Iṭij amer a kwen isref

— 26 —

---

Yenna-yas Win-a: Taktiwin-ik di tillas D aṭan n tuɣmas Yif-ik uneggaru tazzla Ur cukkeɣ ad yali wass Akka fell-ak yal ass Wissen ahat ar azekka Ay zriɣ d tira n tikkas Ur nesɛi tisas Ɛelleq kan war lfayda Yerra-yas Wuḥdiq: Lemmer tessneḍ azal-nsen Iḍṛisen işeggmen Ur ten-treggmeḍ a simra ... Di tzeɣwa twalaḍ bedden Neɣ idlisen yeṭṭṣen Ɣileɣ ur k-irzi w'ara Yak kečč seg wid iẓewṛen Tettasmeḍ s iṭenţunen Tunfeḍ-as akw i lḥerma

— 27 —

---

Yenna-yas Win-a: Teẓṛiḍ ur heddṛeɣ aṭas Ur kkateɣ ammas Tedduɣ kan d ibaḍniyen Anda yella kr'uɣeṛwas Yuɣal d ameqyas Ar ittutlay gegrawen D azelmaḍ neɣ d alemmas Ɣur-i d tikerkas Ẓṛiɣ d ac' i d-tagwmen Yerra-yas Wuḥdiq: Awfan yibbwas a d-fehmeḍ Tidet a tt-tessikdeḍ Yerna a tt-cfuḍ fell-as Deg wallaɣ-ik a tt-tḥerzeḍ Neɣ madi a tt-nted Ada k-tili d aɛessas M'ur tettraḍ ad as-tesleḍ Ul' anda trewleḍ Gwemḍal ifazz uneɣmas

— 28 —

---

Yenna-yas Win-a; Llah! Lah! ay ifluẓen Bezzaf tessugutem Tirrugza-nwen d ṣmaţa Tecbam widak yelluẓen Neɣ tikli buccen Si Tizi ɣer Naşirya Keččini tzadeḍ deg-sen Nek ur lliɣ seg-wen Ac' ara d-muɣ tura? Yerra-yas Wuḥdiq: M'a k-iniɣ awal sell-as Ɣas ddu alles-as Ur kateɣ kan batel Tusid-d ɣur-i am terras Tufiḍ-d d aserdas W❜ur nezmir ad iɛeṭṭel W❜ur k-neḥtil ḥtil-as Lekdeb seɛṛeq-as Rnu gerrez-as aṣeṭṭel

— 29 —

---

Yenna-yas Win-a: Ata wul-iw iqelleq ir' ad ifelleq F imeslayen-ik uzligen Awal-ik bezzaf ineq Di tbuḥcict ixeneq Ala Ṛebb' i k izemmren Meggreɣ lqeṛḍ d imzemeq Tafekka-w tenddeq Tterreɣ asuref dayen Yerra-yas Wuḥdiq: Tagi d tutlayt n igwerdan Ay agellid gebkan A k-iniɣ ɣur-k a tt-ttuḍ Ay quṛɛeɣ d Imal yeksan Sikideɣ-kin s lewqam Ar iḍaṛṛen d uɛebbuḍ Ay aderwic ur nuksan Times txetti gwaman Ayen i d-tenniḍ ur nxuḍ

— 30 —

---

Yenna-yas Win-a: Am wecṛuf i teqqureḍ Yessullef a tt-ṛeḍbeḍ I wakken a k-tekkes turza Ma tettnadiḍ a tt-awdeḍ S anda tessarmeḍ A tt-ssigwreḍ tillufa Yal tumert a tt-txelṣeḍ D aɣelluy a t-lemdeḍ Akk' i d tarrayt n dagi-na Yerra-yas Wuḥdiq: W'i ttnaɣen tidet d' acut? Allaɣ-is yemmut Ad d-iqqim d tororo ! A k-teḍṛu am bu teɛrurt Ihelken tusut Wiss m' a k-islek sirru A winnat tecbiḍ tagut Iṭij n tefsut Amer ahat a k-isru

_{Tekfa teqsit ass n lhed 21 di meyres 2004}

— 31 —

Ixef 5

Yenna-yas Win-a:Ar ɣur-i tugaṛeḍ aẓɣal D aṭan n ṭaglal Tkemmleḍ i wmehbul tirwi Tbaneḍ-iyi-d am qetal Ur tesɛiḍ lettkal Iles-ik yugar ajenwi Nek yid-k ar nemşenşal Tas akka d ameɛlal Eyya aẓ-d ar ɣur-i Yerra-yas Wuḥdiq:: D tiririt a k-in-ttarraɣ Akken a k-slemdeɣ A tt-waliḍ tudert yelhan Am tɣawsa a k-ṣefḍeɣ Şḍid a k-tekkseɣ Ak-ṣuḍeɣ ula d iqecṛan Anef-iyi a k-sizdegeɣ Daya i qesdeɣ A k-id rreɣ d amdan

— 32 —

---

Yenna-yas Win-a:: Ɣas şud-d ay abeḥri Ay abeḥri tlelli A bab Ibeṛhan meqwer Ali tneggzeḍ am ḥuli Acciwen tugaṛeḍ-iyi Susem kan fell-i meqqar Ay ajeǧǧig ilili Ifer d awermi Anamek-inek d axeşşaṛ Yerra-yas wuḥdiq:: Tudert n yimussnawen N wagad ijemmɛen Senin tirrugza s waṭas Mehlen yerna semhalen Ur neddmen, ttumren Deg ul-nsen ulac nnḥas Di temdanit d iwaziwen Ggaren iman-nsen Tidet ad mmten fell-as

— 33 —

---

Yenna-yas Win-a:: Tudert n wid iḥeṛcen Yessnen nfeɛ-nsen Sɛan idrimen s waṭas Medden akw ɣer yidis-nsen Ttaɣen «irkasen >> Katen yissen am ṛşaş Sezrayen nuba-nsen Mi ṛuḥen, ṛuḥen... W'immuten mazal gmas Yerra-yas Wuḥdiq:: Tikli agi-nek tban D ferɛun n zman Ur yelli d kra mucaɛ Tegguleḍ s ẓẓuṛ aberkan D aneli n ilefḍan Tnemreḍ amdan axeddaɛ Teswiḍ amuṛej yerkan Deg wemkan n waman Anda d teɣṛḍ a Ikareɛ?

— 34 —

---

Yenna-yas Win-a:: Ay aɣerbaz n tweḍfin Siwḍet tiquftin Ma d nkwni ur nekk'ara Cɣel-nwen d tiktabin Tayri, tilawin Abrid-a n ǧahenama Rnut-as kan tiqraɛtin Cṛab tibyirin Deg gsensuyen d tberna Yerra-yas Wuḥdiq:: Ayen ilhan rwel fell-as Beɛɛed ɣef tullas Aɛqel nezzeh axşim-ik At yimi s war tuɣmas aɛrur s timmas Ay taɛzizeḍ ayack-ik Taneqlet yezdeɣ maras Ma yella tunfed-as A ttemmet a qessam-ik !

— 35 —

---

Yenna-yas Win-a:: Ttalsen-d, yiwen zik-nni D argaz n lɛali Isaweḍ tidet s amkan Iḥrec yerna d anifi Tamussni s tigwti D uṛeɣ nni azedgan Taddart deg tba tigzi Ɣer-sen ur yeswi Ay t-irefden d Iǧiran Yerra-yas Wuḥdiq;: Taqsiṭ agi tettalles Argaz si zik-ines Ttasmen deg-s imawlan Ulac Nnb'anda teqṛes Menwala yenḥes Shelken ula d igwerdan Ccix ifehmen yekyes Izerreɛ awal-ines Du leqraṛ a d-yefk imɣan

— 36 —

---

Yenna-yas Win-a:: Aḍaṛ n Nnb'ur tessawḍeḍ Ekker a tt-ẓalleḍ Tamezgid'attan tella Ak-sekneɣ amek a tegeḍ Yessefk a tt-ḥefḍeḍ Yal taṣuṛet d layya Di cciṭan ad a tt-naɛleḍ Ma temuteḍ trebḥeḍ Ḍfeṛ-iyi-d qeɛɛed neyya Yerra-yas Wuḥdiq:: Abrid-a ssneɣ-t yelha Mačc'armi d ass-a ɛebdeɣ-k a Ṛebbi seg ul Atan nnig-neɣ iwala Iɛqel-d kerkassa S imeẓẓuɣen bweɣyul Ma yella teqɛed neyya A tt-sɛuḍ tussna Yiss ara tqableḍ aɣul

— 37 —

---

Yenna-yas Win-a: Ihi f izumal agi Tekkiḍ-d nnig-i Turew-d teqbaylit argaz Aseggwas-a neɣ ilinddi Iɛṛeq iciddi Si Nuja ɣer umehraz Si Bgayet armi d Tizi Gar-awen terwi Imi ur tesɛim llsas Yerra-yas Wuḥdiq: Ar uɣerbaz i d-kecmeḍ Am uqcic a tt-tteɣṛed Amezruy d imarrawen-ik Asefru n zik a s-tesled Gwmaynut a tt-weḥded A tt-uɣaleḍ ar tnettit-ik Ur tt-tufiḍ a tt-nekkṛeḍ, Amer a tt-imsuseḍ Ad yemsu Ibaṛud-ik....

---

_{Amawal:
tamdanit; humanité
anelli esprit
tba: absente, iba: absent}

_{Tekfa teqsit ass 24 di meyres 2004 tanettit identité.}

— 38 —

---

Akemmel n udlis Amsawal - suite de Amsawal

_{(Tekki ɣef twellaft - cliquer sur l'image)}

---

_{© Tous droits réservés – Lecture autorisée, partage permis avec mention de la source. Reproduction, téléchargement ou utilisation commerciale interdits.}