Tiwsatin n tmedyezt ɣur imedyazen iqbuṛen

Tamedyezt n teqbaylit taqbuṛt

---

Tiwsatin n tmedyezt sɣur kra n imedyazen yettwassnen zik di tmurt n leqbayel: Ccix Muḥend U Lḥusin, Yusef U Qasi, Laṛbi At Wejɛud, Si Muḥend U Mḥend, Yemma Xliǧa tukrift.

---

Ccix Muḥend U Lḥusin

Amedyaz amussnaw i d-imutlen Yusef U Qasi, yessefruy, iferru, ittweṣṣi, ttcawaṛent imezdaɣ n tmurt n leqbayel, wa Ccix Muḥend U Lḥusin. Ittaga isefra d yizlan, isefra-s d yinzan-is gran-d deg yimi n medden, mi d-yenna walebɛaḍ yiwen as-yini : «akken yenna Ccix Muḥend ». Yenna-yas yiwwas:

W'ilhan yedha d yimanis
Beṛka-ken aqelleb lḥila
Win iɣeṭṭa deg sser-is
Kul yum seɛɛd ittlala
Win yerfid Lleh s lfeḍ-is
W'ur irfid ma ad itɛala

---

Yusef U Qasi

Amedyaz Yusef U Qasi ula i d-nini fell-as, imi d yiwen n umedyaz ameqqran i ɣef ḥekkun uma d imussnawen. D amedyaz yerna iferru timsal timeqqranin gar imdanen d tudrin d teqbilin. Nnan "mi ara d-yini awal neɣ asefru deg-s tekkat lbaṛaka, ma tekres temsalt ad tserreḥ. Yenna deg yiwen n usefru:

Anǧab-ik a bu lmeḍmeṛ
D bu leqṣuḍ n zzit
Yeẓẓa amgud ikeṭṭeṛ
Ayla-s irfed-it
Yusef yessed lemḍameṛ
Ara t-ittɛanad bu tkufit
Mi d-yeddem deg-s terewrew
Ur deg-s iẓẓid n tallit

---

Laṛbi At Wejɛud

Asefru-a n Larbi n At Wejɛud, d yiwen n umedyaz aqbuṛ i ɣef i d-yewwi Lmulud n At Mɛemmeṛ, deg wedlis i d-yessuffeɣ «Isefra n Teqbaylit Iqbuṛen ». D yiwen n usefru yesewhamen di sser d lmeɛna, yal win i as-yeslan yebɣa ad t-ilmed am tṣuṛet:

Gulleɣ lezmheɣ limin
Ayen illan deg ul nessen
Lmelḥ a t-negg d acebwaḍ
D qeḍṛan ad yessisen
Tifrat nek yidek ur telli
Ad tesleḍ s yizgaren llsen

---

Si Muḥend U Mḥend

Yella diɣen umedyaz ameqqran n teqbaylit Si Muḥend U Mḥend, yessen ad yeg isefra di yal tawsit, asefru «Leǧnan » d asefru n uglam, iweṣṣef-d leǧnan amek iwata, yerna ikenna ɣur-s tudert s lekmal n wemdan, atan ihi:

Ẓẓiɣ leǧnan s llxetyaṛ
Qwan deg-s llenwaṛ
S kra dekṛen yilsawen
Llaεneb lleḥmeṛ buεemmaṛ
Llxux am llεembaṛ
Lleḥbeq u llwaṛd mlalen
Yak nedder ɣezzif laεmeṛ
Alarmi s-neḥdeṛ
Ksan-as imeksawen

---

Yemma Xliǧa Tukrift

Diɣen, tella yiwet n tmeṭṭut tettwassen tesefruy di tmurt n leqbayel di zman qqiddem, ta d Yemma Xliǧa tukrift, d yiwet n tmedyaet tameqqrant, yeqqim-d yisem-is ɣef udrar n Ǧeṛǧeṛ ɛlayen s immal. Yemma Xliǧa tesefruy, qqaren-d tettwali d acu i d-immalen. Tezdeɣ di Ǧeṛǧeṛ gar ideflawen. Tenna ɣef wakud yettbeddilen:

Laɛca neǧǧa d lɣimmaṛ
Cceṛq d lɣerb sullsen
La reglen medden akk s axxam
Deg smum la d-yettrusen
Ṣbeḥ nekker-d akk la ɣyaṛ
Yeffeɣ lmal ad ak-ksen
Mi deg ufus n Lleh i nella
Ḥeṛṛ a lɛibad w'ittaysen

Yura-t-id Amar Tafat

---

_{Isefr-ya ttwakksen-d deg yidlisen yura Dda Lmulud n At Mɛemmeṛ, Isefra n Teqbaylit Iqbuṛen, Inna-yas Ccix Muḥend U Lḥusin}

---

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}