Tutlayt n tyemmat, tutlayt tamaziɣt

Tutlayt n tyemmat

Tutlayt n tyemmat yusa-d usmekti-nes 21 di fuṛaṛ, ad t-nqablet s usmekti n wamek i d-tuɣal tutlayt n tmaziɣt si tmettant.

_{Amar Tafat 15 di fuṛaṛ 2024}

---

Imeɣnasen

Tajmilt i yal ameɣnas iqedcen ɣef tutlayt n tmaziɣt, iḍelli d wass-a. Tajmilt d tamezwarut i wid yezwaren ṛẓan-d asalu, am: Bulifa, Wali Bennay, Imac Amar, Mbarek At Mangellat, Amar At Ḥemmuda, Lmulud Mɛemmeri...

Tutlayt tamuddirt

Tutlayt n tmaziɣt tella tedder di timawit d timiḍwin, tnegger tsekla-s cwiṭ cwiṭ. Nuɣal armi niɣil tutlayt ur tettwaru ara. Tura tuɣal-d d tamaynut deg wakud-a amaynut imi tesεa arraw-is d ifeḥliyen d imussnawen imeqqranen deg umaḍal icban : dda Lmulud n At Mεemmeṛ israfeg yiss am lbaz deg igenwan n umaḍal, agdud-is iwala tutlayt-is deg igenni am yiṭij deg wass, neɣ am tziri deg iḍ, dɣa yumer yiss yerna-as affud s tehri tuɣal-d tmaziɣt ɣer warraw-is, attan tura tumer yid-sen, yal wa ta d ammur i as-d-ifka : tasekla, tamussni, tussna, yerna s tira. Tamaziɣt n tidet d tira, tira d tudert n tutlayin, win iḥemmlen tutlayt-is ad yaru yiss iḍṛisen, imagraden, idlisen di yal tawsit. Affud igerzen i tid d wid ittarun yiss.

---

ASS AGRAΓLAN N TUTLAYT N TYEMMAT

Kra n inelmaden n tesdawit i d-yekkren sutren azref n «Tutlayt n Tyemmat» ass n 21 di fuṛaṛ 1999, di Bagladic[Bangladesh], imi d tikti yufafen, amaḍal s umata iwufeq-iten. Acku ma tezwareḍ tlemdeḍ tutlayt n tyemmat deg uɣerbaz, atan teffɣeḍ i isennanen, ad ak-tishil yal taɣawsa, i syen d afella anelmad ad ilemmed ad ittali deg uswir. Ass n 21 di fuṛaṛ yuɣal d asmekti, d ass agraɣlan n TUTLAYT N TYEMMAT, sfugulen-t akk di tmura n umaḍal.

_{Yettwakkes-d umagrad-a deg wedlis "Ageffur n tefsut"yura Amar Tafat}

---

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}