Asefru d usefru

Tamedyazt/ ass n 27 cutembir 2019

Tamedyazt s webrid n bidyu

Asebtar n tmedyazt

Tamaziɣt anda tewweḍ, tewweḍ s wazal-is, aṭas n imaziɣen i yettnaɣen fell-as,  wigi nessawal-asen Imeɣnasen d tmeɣnasin(les militants et militantes), wa yessmeɣnis s tira, wa yettnaɣ fell-as srid mgal adabu, wa s leqdic deg wennar n yedles, wa d aqbuṛ wa d amaynut,  wa yessefruy fell-as. Wigi meṛṛa ur ttaken ara afus ɣef tmaziɣt neɣ ɣef tegmat. Ihi uklalen tajmilt, ad asen-nerr tajmilt s usefru i giɣ ɣef "umeɣnas" s yisem «Ameɣnas», ad yili d tajmilt i wid s umata iqeddcen ɣef tmaziɣt. Walit asefru-ya d tajmilt i yal ameɣnas yettnaɣen ɣef timuzɣa :Tajmilt i umeɣnas n tmaziɣt

_____________________________________________

Ass deg ussan

Aqlaɣ di tmurt ay nbedd

Di taddart neɣ di Lḥedd

Tamurt-iw ur tt-yecbi yiwen

Imeddukal yal wa iṣubb-d

Timɛayin nemmeslay-d

Newwi-d ula ɣef ijenṭaḍen*

Agraw yeččuṛ yenfel-d

Giṣbeḥ nenneced-d

Usan-d ɣer-neɣ am yizmawen

Ass-agi ugareɣ amsed

Tuddza deg ired

Nettɛanad ɣer imussnawen

----------------                                                   Amar Tafat

* les étrangers. 27 09 2019  

_______________________________________________

Yuli wass

Yuli wass medden akw ukin

Tameddit ad taweḍ yal yiwen

Ikcem-d yiṭij ɣer tɣerɣert

Ṭya tfeǧeǧ tezra deg yiceqiqen

Azwu yekkat--d am lɛembeṛ

Am wussan n tefsut n imaziɣen

Ula d tiziri teḍwa tiɣaltin berriken

Uḍan berriken am wussan ttimlulen

Tixendaq d tizelgi ṣeggmen

Ttazzalen iṭuksa d ikamyunen

Win zeddigen iwata ad d-yini

Uḥdiqen ad t-ssalin d asawen

Win iɣedṛen talsa d wegdud

Iwata a s-arzen iḍaṛṛen d ifassen

        Amar Tafat

ISEFRA IQBUṚEN D IMAYNUTEN: tamedyazt taqbuṛt d nettat i ɣ-yemmalen iberdan[Ɣer]

📶Asefru/Tamedyazt/Imedyazen/Amar Tafat/Taẓṛgt tamenzut/  TUZZYA I WEMḌAL: LE TOUR DU MONDE Isefra n teqbaylit iqbuṛen, isefra imaynuten Ansuf s imedyazen, akken ad nedduklet s umata  Ansa n email:amar20tafat@gmail.com IZEN AMEẒYAN: Azul fell-awen, ansuf yiss-wen ɣer tmedyazt ay imeddukal, nessarem-awen tazmert d waffud ameqqran deg yimuhal-nwen, nessarem-awen tameddit tameggazt. Tanmirt tameqqrant i wid meṛṛa i d-yettarran i teɣri ticki i d-nessuffeɣ kra n tɣawsa yettwarun s tutlayt n tmaziɣt neɣ n tefṛensist[Ɣer]

Ma Decarte neɣ d Pascal
yal wa i yektal 
wa s teɣzent wayeḍ s tigzi
seg tidet ɣer temcukkal
teẓṛiḍ d ačaqqal
a win ur njeṛṛeb ini
tḍemɛeḍ tikli n iḥuqal
ma d kečč d aqwellal
tsehleḍ maḍi i tṛuẓi[Ɣer]

    Amar Tafat, asefru n Umsawal

Poème/Izarazen/Village/Amar Tafat/

Yal amedyaz yezmer ad d-yawi asefru ɣef wemkan anda yettidir, yezmer ad yessefru s tutlayt-is, am wakken yezmer ad yessuqel ɣer tutlayin tijenṭaḍin

 Traduction du poème «Anwa ur nessin Izarazen?». 

 IZARAZEN

En montant de Souk el-had

Vers le village qui a une bonne renommée [Ɣer ]

Tteryel

Tella tmurt tezdeɣ tteryel

Ur teddun deg-s llfilan

Win s-yenna ǧehddeɣ yewḥel
Tessegrareb-it di lkifan

S kra n win yellan d llefḥel

Ala isem-is ay d-igwran

D nettat i d llḥakem

Seg zik-ines tessexṣaṛ

Ccɣel-is kan d acelqem

Aɛebbuḍ-is am lebḥaṛ

Ay asm'akken i tennegrem

Tegla s ilemẓi d wemɣar!!

Ar ass-a tbedd ur teɣli

F ukersi nnig akw medden

La tesseblaɛ di lɣaci

Yal ass ad d-tezlu yiwen

Yak tteryel d taɛdawt

Teffeɣ-as-d mgal i wegdud

Ammur gergazen-is teččat

Tra ad ttuɣal s agrud

Ugur-a lfahem yeɣrat

Aɛecciw-is ard yettwahudd!

   Yettkemmil...

Sɣur Amar Tafat, Aseggas n 1995

NEWḤEL

Ar tura ur neẓṛi amek

Nekkat tegguma ad tt-ṣeggem

Newḥel di tmacint tekref

Win yebɣan tigawt ad ileqqem

Nezgel taṣbḥit n wass asaɛdi

Acu yezmer meskin ad yexdem?!

Yura di twenza wulac

S tcengut a mmi i d-iɛezzem

Di tkerkas yuli weswir

Yeṭaxeṛ-as i tikli n yizem

Tixidas zedɣent leqseṛ

Deg-sent ur yelli usirem!

  Amar Tafat, ※yebrir. 23,2019

ADRIZ

Amdan yeffɣen ɣer wedriz

Am lefnaṛ i getillis
Ansuf s inebgawen
Ffalen-d si yal idis
Aṭas lecɣal i gellan
Yal taɣawsa s wazal-is
Sawlen-d akw imussnawen
Yal wa yefka-d tamussni-s
Di taddart yekker usuɣu
Xilla yugar-it ciṭṭuḥ !!

               

  Amar Tafat, 01 nov. 2017

Tamaziɣt/awal/asefru/nwambeṛ 2017/amar tafat/