AWAL D USEFRU

Awal/asefru/tamaziɣt/am tafat

■ Am win yeffuden yesswa

Am win yeffuden yeswa, am win yeččan tagwella, awal n tutlayt n tyemmatt yezwar, yessɛa ccan d tmussni d tussna, widak i t iḍefṛen wḍen s-anda ssarmen, mehlen, ssnulfan-ed rran tudert n wemdan tgerrez tecbeḥ, teshel. Widen ur neḍfiṛ abrid-a ccḍen di tiktiwin nnsen,

ssikiden s lebɛad s waṭas, ttaǧǧan ayen i-sen iwatan a t mehlen zdat-nnsen, am akken ḥeqren idles d tutlayt nnsen. Dɣa imir ur rbiḥen yiwet, ṭafaṛen kan d aḍfaṛ sdeffir idelsan iǧehdden. Yelha ad yeddu wemdan d win yessnen, maca i-wakken kan a-d-yegmer ɣures, maca ur yelli i-wakken ad imil s lekmal, am win ara yettun aẓaṛ-is ɣef uṣuṛddi. Netta amdan yellan d imeggzi d netta ara yessalin, ara yessnernin tutlayt-is s wesnulfu, d tmussniwin n tidett deg ara yettaf yal amdan abaɣur.

Asefru ɣef Izarazen sɣur Amar Tafat, yura t s tutlayt-is tamaziɣt atan yessuqel-it ɣer tefṛensist

Asefru d unamek

Yuli wass

Yuli wass medden akw ukin
Tameddit ad taweḍ yal yiwen
Ikcem-ed yiṭij ɣer tɣerɣert
Ṭya tfeǧeǧ tezra deg yiceqiqen
Azwu yekkat--ed am lɛembeṛ
Am wussan n tefsut n imaziɣen
Ula d tiziri teḍwa tiɣaltin berriken
Uḍan berriken am wussan ttimlulen
Tixendaq d tizelgi ṣeggmen
Ttazzalen iṭuksa d ikamyunen
Win zeddigen iwata ad d-yini
Uḥdiqen ad t ssalin d asawen
Win iɣedṛen talsa d wegdud
Iwata a s arzen iḍaṛṛen d-ifassen

Amar Tafat, magu 02,2019

AGDUD N TMURT

Tebbendeq armi tenddeq
Tamurt sedduyen wid ur nessin
Agdud yezga-d iqeleq
Iṛeɛed am yizem di tɣaltin
Am yiwen i-d-iṭeṛḍeq
Ɣef wemcum yexlan tisendduqin

Seg laman i-d-yekka wugwdi
Xsint deg iḍ teftilin
Ɣlint-ed tillas n umectaq
Iḍum meṛṛa tibaɣurin
Wid yessaramen tadukli
Ur zmiren ad mwalin

Seg zik i-yfaq weqbayli
Ulac w'i-t-ifehmen meskin
I-yɛeddan d w' i-d-yernan
Di temnaḍin timaziɣin
Asmi i-d-tebda di Tizi
Deg iseggasen n tmanyin

Ay asmi teṛɛed ur tewwit
Qrib i-d-uɣalent telkin
Nekkes-ed tamaziɣt deg wẓekka
Irgazen rran-ten di tesrafin
Yezraɛ fad d llaẓ agwemmaẓ
Imezdaɣ n tmurt ur ɣrin
Ur yufi wuḥdiq amkan-is
Qlalḥen warrac d teḥdayin

Tuɣal tigzi ɣer wegdud
Ad yebnu tamurt sseɣlin
Izem uḥdiq yerfed tadukli
Isem-is Agdud n Tmurt yukin

Amar Tafat, 28 di meɣres 2019

vues