Amdan amek yettfaka

Tamussni/tasrit/awal/amar tafat/

AMDAN AMEK YETTUƔAL

Tazmert n Yillew meqqret d ayen ibanen imi d netta i d-yessnulfan takurin d yigenwan. Yal cci atan deg ufus-is, yiwen ur yeẓṛi tabaḍnit-is, a-k-id yesslal, ar deqqal ad k ineɣ, ur tẓeṛeḍ ansi i-d-tekkiḍ wala amek ara teḍṛu yidek ɣer deqqal! Akken tebɣuḍ telliḍ, tǧehddeḍ neɣ tessɛiḍ adrim, neɣ tessɛiḍ tamussni, neɣ tessɛiḍ adabu, leqraṛ-ik ay amdan d aẓekka, syen ara ɛeddin yemdanen s-umata, d igellil neɣ d ameṛkanti, d agellid neɣ d amdan aḥerfi, d axeǧiḍ akk ara ten yeččen. Yal wa yeẓṛa-tt tagi, maca yal wa itettu-tt, yal wa itteffer-itt. Yella wemdan a-s-tenniḍ wihin ur yettmettat ara, ur itedduy ara ɣef akal,  acu n lǧejdd, yečča akken iwata, yessɛa yakw ttawilat, ulac ayen i-t-yettxaṣan, yerna dderz s-ufella — ma yesserfat walebɛeḍ a-t-yesselfeɣ— ma yuḍen d umatu ad yessrifeg am wefṛux, atan anda yebɣa ad yers, sbiṭaṛ i-s-yehwan ad t yadef, amejjay i-yebɣa ara t-idawin, s-iṣuṛddiyen-is ansi i-s-yehwa ad iɛeddi, imdanen a-s-kennun s učapun am wemdan n yemdanen, yiwwas ad yuɣal am uẓeqqur deg wagwens, ad ifak am tcemmuɛt. Anwa i d amdan n yemdanen d win izerɛen rezgg d tmussni, amerzgg-ik a win yessɛan "laɛqel d lmaɛqul" akken qqaren leqbayel, amesbaṭli ad yeǧǧ teṛẓeg ger medden, diɣen aɛebbuḍ anagar akal ara t yaččaṛen!

          Amar Tafat