Awal ɣef 20 yebrir

Izuṛan/tamaziɣt/20 yebrir/amar tafat/08 di yebrir 2019/

TAQSIṬ N 20 YEBRIR 80

Am wakken nra ad d-nesmekti ass yufafen, i d-yufraren yessɛan azal ɣer imaziɣen di tmazɣa, wagi d warem(20) yebrir 1980, neqqar-as: “Tafsut n imaziɣen.” Imir i tebda tegrawla di tmurt leqbayel mgal adabu amesnaṛef yerran tizeɣzeɣt d awal-is n yal ass, d tawaksa n izerfan meṛṛa n wegdud ažžayri: tamagit(identitée), tamaziɣt d taɣelnawt tunṣibt, d tugdut, d tlelli n umeslay…

Ass n 20 yebrir yeffeɣ-d d yiwen ineḍṛi yessɛan azal s yiwet n tikli tameqqrant n wegdud aqbayli deg Tizi d Bgayet, maca ar deqqal tikli tuɣal d imeṛzi, d ṭṛad mgal imsulta d lɛeskeṛ i d-yeffɣen s wemrig d waman yerɣan ɣer wat tikli, gan-d iḥdiden di tama n Lwadd Ɛissi d Buxalfa, ssgeḍlen tikli ur d-tettili, ssgeḍlen anekcum ɣer temdint n Tizi-Wezzu, i syen akkin agdud aqbayli yega taɣennant akken ad yeg tikli s yiɣil,  wwin aṭas n imeɣnasen ɣer isekraf(leḥbus) azal n 24 d ateras. Wten leqbayel, jerḥen-ten, ṛẓan-ten, llan uma d agad yemmuten. Nniɣ-as deg usefru:

Meǧden yakw leqbayel

Taqriḥt iɣ-yuɣen

Ffɣen-d ula s lemkwaḥel

Wtent-aɣ s ijenwiyen

Aṭas i yurzen di snasel

Di leḥbus qqnen...

Uqbel 20 yebrir ḍṛant-d yagi tmesbaniyin, tin yecban asarag n dda Lmulud Mɛemmeri yettwagedlen ass n 10 di meɣres 1980 sɣur adabu, seg wassen i tebda tnekra, tettenfufud armi d ass n warem yebrir, tuɣal meqwret talluft n tmaziɣt tenerna s talɣa d unamek.

Seg wassen ar ass-a amennuɣ yezga yettkemmil, agdud s immal yettakwi s temsalt-agi, nessarem yiwwas ad taweḍ s iswi-ines akken iwata. 

      Amar Tafat, yebtir. 19,2019 

---

Ass n 20 yebrir yewweḍ-d, d asmekti n tefsut n imaziɣen n 1980

Kra n imeɣnasen iḥemmlen tamaziɣt seg ul, wigi ttarun-tt, yetter-iten weɣmis Iẓuṛan yellan deg yiseggasen n 2000,  fkan-d awal-nsen yiwen yiwen. Aɣmis-a llan widen i d-yecfan yettmeslay-d aṭas ɣef timmuzɣa, yella d tasɣunt deg yiseggasen n 1990, ar deqqal yuɣal d aɣmis i d-yetteffɣen s waggur.

1. Amar Tafat - Home | Facebook

   www.prod.facebook.com/amaynut20

   Amar Tafat, Tizi Ouzou. 1,463 likes · 88 talking about this. Amar Tafat auteur, poète, écrivain en tamazight. Trois Prix Amar Tafat, d amedyaz, d amyaru,...