Awal n imussnawen

TAMURT

Tamurt la tettεettib, agdud yettεettib yides, tillufa gwtent, ta deffires tayeḍ. Wid yetturaren tiddas ur zmiren ad sbedden urar nnsen neɣ ad steɣfṛen garasen d Yillew. Lah lah tekfa leḥnana, tekfa tigzi, qqaren wat zik deg yinzi: «win ifehmen wehi-yas kan», llan imdanen ur neẓṛa d acu-ten! D aymi qqaren imezwura: «yir lqim ur yettleqim, yir xṣim hdeṛ neɣ qqqim». Akka talluft tettnerni ɣef wegdud yiwet ur tefri.
Akken yenna umedyaz Maεṭub :

"Eddu d webrid-ik a lḥif, neḥfeḍ neɣra di tussna-k...".

Ccix Muḥend daɣen yenna :

"Ay amezraε n tmeclac
muqel m'ak yetbeε yimɣi
Ay amelεab ger txenfyac
labuda yiwet a-k-tawi".

       A. Tafat