Azemmur d wazal n zzit di tudert n wemdan

Tazemmurt/tamaziɣt/tazrawt/tira/

Deg waggur n tubeṛ, aggur yezra(iɛedda) i wezgen, ad naf ɣlint-d kra n tmeqwa n waman deg igenni, aseggas-a yessɛa laɛḍil, baqi yessfilit i rbeḥ. 💥👇

Amin a Yillew ad ttelhu tegrest, acku d tagrest, akken i  das-yenna win-a n zman: "a win-a yjebbden amrar ixef-is  at-a da ɣur-i", awal-a yessader-it s waṭas umedyaz ameqqran, Lwennas Maɛṭub(ad yettwaṛḥem). Ihi nezmer ad d-nini d tagrest uɣur i tt-tella; d tagrest i d-llqeṛṣ n useggas, mačči  d tafsut neɣ d lexṛif, neɣ d anebdu.. Ihi atan tgerrez  ɣef akka i d-tusa, azemmur yessmed talɣa yebda yettibrik, d akunyan, neɣ d acamlal, neɣ d azebli neɣ, d aẓebbuj. Azemmur yettuɣal d zzit, maca ɣur-s azal meqqren ugar n tangiwin(les matières) nniḍen, acku netta d tazmert s timad-is, ula d Yillew ɣur-s i yettcabi iman-is d temert-is, imi tazemmurt tettidir d timiḍwa, ad ttafeḍ aǧedriw n tzemmurt yektal snat lmitrat(neɣ ṛebɛa iɣallen) tin-a attan di mraw n tmiḍwin(10 leqrun), amḍan ara d-yefken 1000 n iseggasen. Ihi yessefk ad nḥader azemmur-nneɣ, imi netta irennu-yaɣ-d teɣzi n laɛmeṛ, ilaq neẓẓu deg-s aṭas mačči d timeṛɣiwt ara t nessruɣ, am talluft nni iɛeddan anebdu yezrin!! Qqaren diɣen "tazemmurt tezmer i yiman-is", acku iẓuṛan-is teddun aṭas d akwessar deg wakal, ihi "tjebbed-d aman di lebḥar"̣ akken i s-qqaren kra n ifellaḥen. Ma yella d ttanga(matière) n zzit ulac d i-ttyecban di tdawsa, deg-s tiremt deg-s ddwa, ula d ḥellejɣaṛ(poison) ad naf tugar-it di ǧehdd, tettṛuẓ-it, anda i tufa a t-id tessuffeɣ, dɣa deg wɛebbuḍ n wemdan, d amedya zik di tmeɣriwin(asmi tella s waṭas tɛeddawit) ceččayen imdanen wiyiḍ s ḥellejɣar, ihi win yugaden yettawi yid-s taqeṛɛett tamecṭṭuḥ n zzit n uzemmur, ma yečča yedda-yas kra, ad isggerggeb zzit uzemmur ur t-yettaɣ w'ara, ma yečča-t ad d-yuɣal, ad t-id-yerr din-din!! U netta ad yeslek si tmettant. D aymi i yessefk ad t-nḥader, imi aṭas n ubaɣur i yessɛa, yessefk ad as-nerr ula d ttajmilt meqqren, yuklal ad nbedd ɣur-s, ad nernu ad t-nenqecc, ad t-nefres ad as-nekkes ummad, ad t-nallel akken ur ɣ-yettaǧǧa.

      Amar Tafat, Izarazen