Dda Lmulud bab n tiktiwin

Dda Lmulud Mɛemmeri d netta i d-yefkan tikti i wesneri n tnaṣlit, d tutlayt n tmurt tuɣdimt

Yura s tutlayt n tmaziɣt, tajeṛṛumt, adlis ɣef umussnaw ameqqran n tmurt n leqbayel, Yenna-yas Ccix Muḥend, yura amawal atrar, yesselmed tamaziɣt di tesdawit n tmaneɣt, deg iseggasen n sat(70). I syen akkin yebrez iberdan ara tawi tutlayt s wayes d wamek ara tettwaru, d wamek ara tettwaselmed. S

waffud-is iǧehdden, yettkemmil yal amahil, yal ass. Netta amahil-is d tamaziɣt, acku amdan imegzi yettsellik tamurt-is; netta d yiwen n imfelsef ameqqran, tikti n tmaziɣt tezdeɣ allaɣ-is, yeẓṛa d abaɣur i tmurt n Ležžayer. Ihi yessak-itt nnig imuhal nniḍen, yefka-yas azal n weẓṛef d wureɣ! Yessuffeɣ-d tarbaɛt tamezwarut i yesselmed srid netta di tseddawit, wigi uɣalen am akken d arraw-is, am akken d uzzal yerra di llsas n tmaziɣt. Tarbaɛt-a tewwi-d abaɣur ugar d wugar, tuɣal tutlayt n tmaziɣt am weqbuc neɣ aḥellab n tamemt, wa yessemcaḥi-tt i wa!

Ussan zerrin seg 70 ɣer 80, di tmanyin i d-tekker temsalt n tmaziɣt, acku ur tt-yeqbil ara udabu d unagraw n yimiren, sebba n tnekriwin si 20 yebrir d asawen; sebba-nsent d dda Lmulud. Taqsiṭ tebda-d ass n mraw 10 di meɣres 1980, assen ɛeṛḍen-d inelmaden n tseddawit n Tizi-wezzu Dda Lmulud i wakken ad yeg asarag ɣef Isefra n Teqbaylit Iqbuṛen, d yiwen wedlis ameqqran yessɛan azal d ccan i d-yessuffeɣ di Lparis, ma d adabu ur s-yeqbil ara, netta yusa-d di tmaneɣt s tkeṛṛust-is, ḥebsen-t yemsulta di tewwurt n Buxalfa, rran-t srid ɣer wexxam n ugezdir(wilaya), beḥten-t, sagwden-t, ugin-as ad d-yessiwel asarag-is. Wa d ẓẓuṛ amcum! Din i tekker, inelmaden bdan timesbaniyin s wurfan. S wazemz-agi i d-tebda, tettenkar armi tewweḍ ɣer 20 yebrir, d yizemzen akw nniḍen. Tajmilt tameqqrant i umussnaw n tmazɣa, d wagad meṛṛa yellan ɣer yidisan-is.

A.Tafat, yebrir. 19,2019

■ Tajmilt s tezlitt i dda Lmulud sɣur Yidir acennay

Idlisen n yimira: Amar tafat

amartafat.blogspot.com/2017/04/amar-tafat.html

Visitez le site youtube, et abonnez, vous trouverez beaucoup de vidéos de poésie en tamazight, taqbaylit par moi même Amar Tafat, à bon entendeur