Amenzu n magu

Amehal yeṛwa ttemrit ur yečča, ur yerbiḥ, ur yemmut ur yeddir...

Yewweḍ-d umenzu n magu, zaɛma d tameɣra n imehalen, maca d awal kan, ixeddamen mraw(ɛecṛa) umeren twimes(meyya) ttrun, di tmurt-nneɣ axeddam lɛali ur yessɛi amkan-is, yudef ẓuṛ di timuhla armi yeṭṭaxeṛ wemdan deg umahil, yettḥulfu s umahil ṛẓag, tajeṛnaṭ ulac, abaɣur ulac!

Tixidas nernant, amedya a d-sbedden anemhal, ma walant yelha isedduy timsal akken iwata ad t-kksen d umatu, ger tifawt(ṣbeḥ) akw d tmeddit!  Timeggurin xeṣṛent s yir tiktiwin, ṭfen-tent wagad ur neẓṛi tigert di tdamsa, ṛay n bab-is! Amkan n umahil di luzin neɣ di tmeggurt yuɣal d abṛaḥ n tsartit, axeddam yettucewwel meskin, ur yefri ad yexdem ixeddim-is, neɣ ad yecɣel d isundaden d tejmuyaɛ, d leḥzaza d usmuceṛ.
Yif ussan yettɛeddin wala wid i d-irennun, di 1980 armi d 1990 nekkat akken ad yessɛu amkan ikemmlen umehhal, ar deqqal tuɣal  irbeḥ-itt unagraw aqbuṛ s yiɣil, yuɣal-d fell-aɣ s tiɛurremt, ayen din n ixeddamen i sḍacen deg yimekwan-nnsen, ttgalan rennun, ad as-tiniḍ d tagelda, ur ẓṛin a d-yaweḍ wass-nnsen. Ayen yellan ččant yemcumen d imkeṛḍen.
Ma yella yessakwi Ṛebbi saɛdd n tmurt-a, d tikli ad xelṣen widen ixeddmen amenkeṛ deg luzinat d imekwan meṛṛa n ixeddim, ahat ad yali wass fell-as, ma yella teqqim akka tifrat nniḍen ulac!

      A. T