Awal n imaziɣen

 ASMEƔNES N UMASSAN KAMAL DDIN FEXXAṚ 

 Amejjay ameqqran amẓabi Kamal ddin Fexaṛ ad yettwaṛḥem, d yiwen n umeɣnas ameqqran n izerfan n wemdan, yewweḍ and'ara naweḍ iḍelli di sbiṭaṛ n Blida, fell-as tajmilt tameqqrant. Ṛebbi ad iṣebbeṛ imawlan-is, d twacult meṛṛa n izerfan n wemdan. Neẓṛa yakw Kamal yella yega asunddad n llaẓ(grève de fin) aṭas n tikkal, armi d asmi i s-yessaweḍ Yillew lajel yewweḍ s amkan n lebda! Ayen yessutur Kamal ddin fexxaṛ d ayen yessutur wegdud yettwaṛekḍen deg yiseggasen yezrin alama d ass n wass-a. Atan yeǧǧa-d abrid n izerfan d tugdut, d netta i t-id-ineǧṛen s umerret i wakken ad yidir wegdud di tlelli, yettalas-aɣ tajmilt meqqren d wazal i webrid i d-yeǧǧa ad yeffeɣ ɣer yiswi wayen meṛṛa yessutur.

magu 30,2019 

Abdelḥafiḍ Idres ad yettwaṛḥem

Neḥzen s waṭas s tmettant n umeɣnas ameqqran n tmaziɣt, s yisem-is azeddgan Ɛebdelḥafiḍ Idres, yemmut ass n aram(mardi)14 di magu, 2019  ɣef 73 n iseggasen, nessarem-as amkan di ṛeḥma,

 d waṭas n ṣbeṛ i twacult-is. Amzun ur yemmut, tajmilt fell-as d tameqqrant, imuhal yega meṛṛa ɣef tmaziɣt d widen i d-yeǧǧa deffir-s ad messlayen deg wemkan-is, ad ɛemṛen tutlayt d tnaṣlit n tmaziɣt. Tajmilt tameqqrant ur tettfaka, ɣef win i d-yerran aman (n tmussni) ɣer tregwa, yettalas-itt deg-neɣ yal d amussnaw, ɣef tirrect i d-yeǧǧa, tirrect n ugerruj n tmussniwin yecban tiwiztin! Yega yiwen n umahil ameqqran netta d Rabeḥ Madi, d amawal ameqqran s tmaziɣt, d ayen i d-tessutur, tutlayt n tmaziɣt. Awfan ad gwten yemdanen am wigi deg wennar, tutlayt d yedles ad alin am uneccab d asawen.
 15 magu, 2019
 Tajmilt nniḍen i das rran deg wegraw n iselmaden...

Awal n talwit

Amcic ifehmen akken ara s tiniḍ "ṣeb!", atan yefhem
iman-is, ad yeqleɛ! Akken qqaren ɣef ttṛebga yelhan diɣen: «ṣeb di temẓi». Awal agi d aḥerfi, yeshel akken a t-negzi.

Akabar n imaziɣen di Tunes

Akabar "Akal" d amaynut di tmurt n Tunes i-lmend n timmuzɣa, nessarem ad yimɣur akken ad iṛeṣṣi tamaziɣt tutlayt taɣelnawt tunṣibt, ad teddukel tmazɣa, ad binent tmura n imaziɣen di tmazɣa, am ass-a ad-tent-id yuɣal uẓaṛ nnsen d tutlayt yidles nnsent...

Awal-iw d win n imaziɣen

Awal-iw am win n imaziɣen, widak yewwin abrid iṣeggmen ɣer tnaṣlit d tmussni d tussna. Widak yumnen s uɣerbaz ugar n tɣawsiwin nniḍen, acku aɣerbaz d ayen ifetin ɣer tigzi d tussna, maca ur yelli ɣer yir abrid, neɣ ɣer twaɣiyin d temcumin!

Win yebɣan tamaziɣt ad yissin tira-s