Tullizt - Inegmaren - sɣur Aεmeṛ Tafat

Inegmaren

Deg iseggasen yezrin n 2000 lliɣ mehleɣ d amenwal deg useččut deg yiwet n temdint di lezzayer-tamaneɣt qqaren-as s tefṛensit "pointe piscade".
Ihi ddaw temdint-nni tella lmeṛṣa d taqbuṛt teqqim am uxxam ǧǧan imawlan-is! Ad tafeḍ inegmaren d kra n lɣaci ttmeriḥen din-a. Nek diɣen si tama-w asmi i s-faqeɣ i lmeṛṣa nni ttṣubbuɣ ɣur-s sya ɣer dagi, ad awiɣ yidi kra n tčinatin, ad adreɣ ad d-sɛeddiɣ tazwayt. Ad s-d-zziɣ i lmaṛṣa, neɣ ad qqimeɣ ɣer inegmaren ad nezheɣ amek akk seqdacen tisennaṛin-nsen d wamek gemren. Taqsiṭ, yiwwas dɣa am akka udreɣ ɣer din, qqimeɣ ara ttnezziheɣ inegmaren amek gemren. Inegmaren yal wa d-tasennaṛt yessɛa, wa d tin umelyun, wa d tin n sin, alama d semmus n yefḍen. Yiwen wergaz d igellil yella gar-asen netta d mmis s tɣanimt taḥerfit, yewwi-d taḍellaɛt yerra-d deg-s ṣwaleḥ iwatan i wnegmer, ihi ala ygemer ula d netta am wiyaḍ. Segmi wḍeɣ ɣer din ur walaɣ win i d-yeṭfen kra n tɣawsa, imrefhen nni walaɣ ssɛan akk tiɣunam lɛali, maca ula d yiwen ur d-yeṭṭif ayen yennumken, win yewten as s-d-yeddu wulac, neɣ kra n weslem ujjix, akken ass kammel, ihi walaɣ-ten rfan akk, la sḥufuren ass kammel baṭel ḥaṭel! Igellil nni - susem kan iwal-t-id Ṛebbi ɣer taggara - ɣer taggara iḍeggeṛ taṣennaṛt-is, yedda-yas-d yiwen uḥutiw annect n uwqas, din din yeṭṭef-it-id, tameddit teɣli-d, ixemmel-d lqecc-is (yenna-d ha) netta d mmis s axxam-is,  yumer aṭas ugeswaḥ, ma d-inegmaren nni yellan din ass kammel msakit ulac d acu i d-ṭfen rnan urrif s-ufella !

Amar Tafat

------------------------------ Arut-d tiktiwin-nwen ɣer tansa n email:tafatamar@gmail.com