Awal n umedyaz sɣur Amar Tafat

 Awal-is

Awal n umedyaz isaf am yirden

yeẓdan d awren zeddigen

yettawit wemdan d aktil-is

Imedyazen am yemɣiden

ttaǧǧan-ed isefra ifazen

rran-ed amdan s allaɣ-is

Imedyazen wid ifehmen

ssnen d acu i d qqaren

yal wa s warraz d aswir-is

Zman axeddaɛ

Asmi akken tebda tmaziɣt

Aṭas i ynudan aɣ issinen

Yal ass d taɣawsa ara nexdem

Irgazen staɛṛfen

Arraw n tfamilt leqbayel

S nuba i d ttasen

Yal wa d abrid i yeḍfeṛ

Nessken-asen nesselmed-iten

Ass-a lḥemddulah tewweḍ

Ffɣen-ed irkwel d imassanen

Wten-aɣ afus seg ul

Refden-aɣ s ɛecṛa n ifassen

Negwra-d i zman axeddaɛ

Yeqwel uqelmun s-iḍaṛṛen

Tajmilt tuɣal i win ur nxeddem

Imi kfan widak iẓewṛen

Arut-ed tiktiwin nnwen ɣer tansa n email:tafatamar@gmail.com