Asefru-ya d tajmilt i ucennay Yidir. Sɣur: Amar Tafat

Asefru-ya ad yili d tajmilt i ucennay ameqqran Yidir yessulin idles amaziɣ ar tqacuc deg umaḍal. Fell-as talwit d usgunfu

Tajmilt i umussnaw

Seg wasmi d-illul yuki
Yefka-yas Ṛebbi
Di ddunnit werǧin yeṭṭis
D ameẓyan yebda tikli

taḥirfatt-is d anadi
A d-yesbin taneṣlit-is
D iseɣ i yaɣ d yewwi
Idles yiss yefukti
Yewweḍ i yebɣa wul-is
D amdan imehlen seg ul
Tayri-ines tennul
Wehmen medden deg wayla-s
Yeɣli-d deg irebbi lefḥul
Refdent lɛuqqul
yak ur yelli kan d ayetmas
Isem-is yebrez d llakul
Mačči d aqeẓẓul
Deg umaḍal tṛeṣṣa tussna-s
Cci-ines d taktiwin
Mgal tawliwin
Yettarra-d win yemmuten
Awal-is d tiwiztin
Jemmɛent lfahmin
Ttṣeṛṛifent mi weḥlen
D lefnaṛ yiss ttwalin
Irgazen tilawin
Cekkṛent-id wagad yessnen
Eyyaw ad nerzut ɣur-s
A kra yellan yid-s
A d-nelmed maday nufat
Ulac i ycuban idles
Meqwret lhiba-ines
yis ara nqazem taswaɛt
Aɣerbaz yecba tala
Aman-is d ddwa
Ma ur llint tkerkas
Netta yekṛeh ayen ur nelhi ara
Ulac deg-s riḥa
Tiẓeṭ tezra lbenna-s
Iswi-nneɣ d tillumda
A d-nawi lfayda
Γas tardast di lǧeṛṛa-s