Awal ɣef ubeddel n tḥirfatt(métier)

Awal ɣef tḥirfatt(métier), d akken taḥirfatt tamezwarut n wemdan ma yella taɛǧeb-as imehel-itt wemdan s wul d tayri atan ad yeffeɣ yis ɣer tafat, ad yerbeḥ di ddnnit-is ad t yaf, ma yella yeɛweq anta taḥirfatt ara yeḍfeṛ neɣ yebra i tḥirfatt-is tamezwarut din i terwi tazart!

Luzin

Nek s timad-iw teḍṛa-yi teqsiṭ-a n ubeddel n tḥirfatt, a wen-tt-id alleseɣ ma tebɣam. Ihi lliɣ ssɛiɣ taḥirfatt n userɣet ɣef wesɣar(sculpture sur bois) asmi i tt lemdeɣ ɣas tewɛeṛ maca, teɛǧeb-iyi s waṭas acku, walaɣ-tt d taẓuṛi yessɛan azal, tessɛa tiɣawsiwin i d yufraren deg umḍal, tessɛa diɣen unuɣen(dessins) n tnaṣlit nneɣ n imaziɣen, tessɛa aṭas n iɣunab(styles), aɣanib amaziɣ, win n umaziɣ n uṣpenyuli, win n regence, lwis 15, artg.. Wwiɣ-ed arraz deg uɣerbaz n tḥirfatin n Buxalfa udfeɣ yis ɣer luzin n tbuqiṛt xeddmeɣ mehleɣ din-a azal n 18 n iseggasen, luzin d luzin n wesɣar tella tḥirfatt n useṛɣet din-a maca mehleɣ kan yiss aseggas ulac timerna, ayen i d yeqqimen kemmleɣ-t s timuhla nniḍen, mehleɣ d aserkeb n iruka(monteur meuble) kemmleɣ s wakka armi i d ḥebseɣ di luzin nni! Din-a di luzin ssɛiɣ uguren n umesni(transport) akw d wuguren nniḍen, ɣer tama nneɣ ur i ttɛedday ara umesni n luzin syen, taserkemt(section) n userɣet rran-tt a tt xeddem deg iḍ s ixeddim n terbaɛt(travail d'équipe), tagi gan-tt d tarewla ɣer tciṭa, yuɣal mačči menwala ad yexdem degs win kan yessɛan amesni(transport). Tirebbuyaɛ llant snat ttbeddilen s dduṛt, tikwal ɣef 5t n ṣbeḥ alama d 2t n wass, dduṛt nniḍen ɣef 2t alama d 11t n yiḍ, ul'ansi i s tekkeḍ ay aṛwiḥ! S waṭas n wuguren d tllufa, uɣaleɣ armi i d ṭaxṛeɣ si luzin nni, a llah anida-tt tifrat! Ur nessɛi ammur nneɣ di tmurt-a, ttṣabṣaben-aɣ si tama ɣer tayeḍ. Nniɣ: ad beddleɣ taḥirfatt, ad ferneɣ tin iteddun s waṭas akka am lkuca neɣ aseččut(restaurant), neɣ tiḥlawatin, nek ferneɣ ad uɣaleɣ d imsewwi(cuisinier), uɣaleɣ xeddmeɣ d amsewwi(cuisinier) maca, d tawaɣit, aseččut (restoṛa) yettak-iyi i wayeḍ armi i wḍent azal 200, tamurt n lezzayer akk zziɣ-as-ed ur gerzeɣ ur ufiɣ iman-iw... Daymi i wen nniɣ d iri win yettbeddilen taḥirfatt-is, yal wa ad yeqqim anda i tuɣ yif-it...

Arut-ed tiktiwin nnwen ɣer tansa n email:Tamazight ass-a