Aɛyiɣ: asefru sɣur Farida-ch

Tamedyazt tuntit

Ttkellixeɣ i yiman-iw

Leḥḥuɣ s usirem

Tturareɣ s teṛwiḥt-iw

Sserwaɣ-as lhem

Ɛyiɣ deg wussan-iw

Zzaǧaweɣ-d ssem

Ttnaɣeɣ d ṛṛay-iw

Ammer ad yendem

Anida ḍeggreɣ temẓi-w

D abrid ur nwulem!

Acmumeḥ deg yimi-w

Ul yuli-t lɣem

Ttṣeggimeɣ lehduṛ-iw

Akken ur iyi-tettfaqqem

D tabujadt temsalt-iw

Aseqqi-w semmum

Ijeṛṛeḍ di temẓi-w

Tadyant ur tfehmem

          Farida- ch

Arut-ed tiktiwin nnwen ɣer tansa n email: Tamazight ass-a