Azal n wuḥdiq: asefru sɣur Amar Tafat

Uḥdiq fellas awal ɣezzif

D netta i d turew tirrugza
Yeǧhedd amzun d aṛṣif
I wmeqqran yeqqar Ddada
D win i d anemgal n wungif
Tessemgarred-iten ttṛebga
Yettawi aqerruy-is deg genni
Imi ayen yexdem yelha
Yessfuluḥ deg wayen lεali
Tugna-ines tecba agama
Yessεa iṭij yessεa tili
Ul-is zeddig am tala
Mi tmuggreḍ yekkes uɣilif
S wayeḍ ur tettbeddileḍ ara

A tḥemmleḍ yides iɣimi
Mi teqqimem tekkes cedda

Deg wawal-is yettawi-d tifrat
Mi tekkreḍ ad tegeḍ taɣawsa
Ad k imneε Ṛebbi seg wungif
Imi-s icuba ɣer ṣṛima...

Arut-ed tiktiwin nnwen ɣer tansa n email:tafatamar@gmail.com