A d nini s tutlayt n tmaziɣt

Nekwni nettaru s tutlayt nneɣ di tazwara acku tutlayt nneɣ tettalas degneɣ ammur ameqqran amezwaru teḍmeε segneɣ imi nekwni d arraw-is ayen nessen ad t id nini yiss am wakken nezmer ad t id nini s tutlayin nniḍen. 

Maca, akken i k qqaren «ammur n yizem», eg-as tutlayt n tmaziɣt d tasedda ammur-is ad yili am win n tutlayin s-umata, iwata akken a d nini yiss timussniwin d tussniwin yessεan azal, ad tent ɣren wid yettnadin i yebɣun yili-ten, zemmren ad suqlen iḍṛisen yettwarun s tmaziɣt ɣer tutlayt bɣan.

A d nini timussniwin ad nemhel tiɣawsiwin s tezmert n tutlayt nneɣ segmi nezga nettaru yiss, ḍillet kan fellas a wid yeɣɣaren d widen yettnadin... 

Tura akka yella waya, nwala-t, nmeyyez-it, naεqel-it, tutlayt nneɣ tessεa ayla-s di ddunnit, tessεa inaẓuṛen imeqqranen yeǧǧhedd yidles-is, tessεa imeyyazen i d yeqqaren tiktiwin deg yidlisen i d yeffɣen, deg yeblugen d wadegen(sites). Ihi tamaziɣt ur tecciḍ ara, wid i tt yesseqdacen d wuḥdiqen ad sen yefk Ṛebbi tazmert d waffud, ttarun iḍ d wass ur εeggun, sarameɣ-asen aserhu ahrawan(grand honneur). Tamaziɣt tezra-d i lḥif am ass-a ad terbeḥ, ur tneqq cedda ur tessidir talwit, nettat tetteddu nekwni aqlaɣ yides nedda, null-itt mazal as nernu ugar.

Win i d illulen ad yadef srid ɣures, tamacint texdem tecεel tetteddu akken iwata ur tettṛuẓ ur txetti!

Arut-ed tiktiwin nnwen ɣer tansa n email:tafatamar@gmail.com