Targit: asefru sɣur Tahar Ḥamdiduc

Urgaɣ targit tessewḥac

A Ṛebbi suffeɣ-itt ɣer lexiṛ

Walaɣ znuzen cac

Aderɣal degs yettxiḍ

Walaɣ ttsuɣun warrac

Idim degsen yettfeggiḍ

Urgaɣ targit tssexlaε

Ukiɣ-ed terkeb-iyi tawla

Walaɣ akal yesseblaε

S umeqqran d umeẓyan yegla

Win yekren degs ad yeffeɣ

I yimi-s erran snesla

Urgaɣ targit ahbuh

Lmumen degs ur yettili

Sliɣ ttsuɣun abbuh!

Qqaren iglan d nekkinni

Ger yifassen  nnsen d leslaḥ

Katen rnan acetki

Urgaɣ targit tessewḥac

Times tezzi-d i lḥaṛa

Iqeddacen zedmen-as-id

Iḍan ggaren(ssmenddagen) isufa

Yal mi tṛuḥ ad ttens

As-id ssuḍen s-wadda

T H

Arut-ed tiktiwin nnwen ɣer tansa n email: Tamazight ass-a