Tagmat amek tettbedda, Amar Tafat

[Tagmatt] ma tbedd ɣef tkerkas abaɣur werdin yelli, yif-iten wemdan yessnen ɣas ur yeɣri. Tagmat ma tbedd ɣef tidet d tezdeg, ɣef tamussni d tɣuri ur tεell ara deg ubrid-is, ur tettṛuẓ ara irgazen s wayes tbedd, ur ssefṛaḥen ara icenga, yal ass bedden εussen ɣef usirem-nsen. Tagmat ma tbedd ad nḥulfu s tuqsiwin n icenga, tagmat ma teɣli ad nḥulfu daɣen s taḍṣa n icenga, ihi yifit ma nbedd wala ma neɣli i wakken ur ttaḍṣan ara fell-aɣ icenga. Tagmat ma teṛṛeẓ yal acengu ad d-yas ad ikemmel ayen i d-yegwran, ma tefkiḍ afus ɣef tegmatt-ik neɣ ma teṛẓiḍ tirrugza-k ungif ara k-isemmi umezruy, amdan yewwi-d ad yeddu s tmussni di ddunnit ifuḥ win yettɣirin di gmas. Tzemmreḍ ad tkerheḍ gmak ma yella ur yeqfiz ara, ma yella ur d-iqeṭ ara tirrugza a lemmer i tisent( i-lmelḥ), ma ur yessin kra, ula ma tḥeṛṣet yelha, i wakken ad d-yakwi si tnafa. Ma yella d win iqefzen yettɣima tṛankil neɣ win yessεan tirrugza, win-a watan-as irezfen d warrazen imeqqran mačči d aɣzu (lḥebs). Akka i tettali tegmat, akka i yettili ubaɣur d usirem-is.

• Qqaren deg inzan: yir tagmatt am kalitus mebεid i tettarra tili
• Qqaren diɣen: ur ḥemmleɣ gma ur ḥemmleɣ w'ara t yewten
• Am wakken qqaren: atmaten d atmaten aεebbuḍ yebḍa-ten

Arut-ed tiktiwin nnwen ɣer tansa n email: Tamazight ass-a