Tamedyazt n imedyazen

ISEFRA IMAYNUTEN: tamedyazt taqbuṛt d nettat i ɣ-yemmalen iberdan

ISEFRA IQBUṚEN D IMAYNUTEN: tamedyezt taqbuṛt d nettat i ɣ-yemmalen iberdan...

📶Asefru/Tamedyazt/Imedyazen/Amar Tafat/Taẓṛgt tamenzut/

TUZZYA I WMAḌAL: LE TOUR DU MONDE

Isefra n teqbaylit iqbuṛen, isefra imaynuten

Ansuf s imedyazen, akken ad nedduklet s-umata

IZEN AMEẒYAN: Azul fell-awen, ansuf yiss-wen ɣer tmedyazt ay imeddukal, nessarem-awen tazmert d waffud ameqqran deg yimuhal-nwen, nessarem-awen tameddit tameggazt. Tanemmirt tameqqrant i wid meṛṛa i d-yettarran i teɣri ticki i d-nessuffeɣ kra n tɣawsa yettwarun s tutlayt n tmaziɣt neɣ n tefṛensist . Tajmilt-nwen d tameqqrant ay imaziɣen n tidet. Akken qqaren imaziɣen iqbuṛen m' ara yekfu walebɛaḍ awal-is di tejmaɛt n taddart, neɣ tin n lɛeṛc, neɣ tin n teqbilt: "ma yella ccḍeɣ stafillah, ma ssweqmeɣ ḥemddullah".

___________________________________________

Akken tella tegwnit i yettili ula d asefru...

Surfet-aɣ ma neqreḥ-iken, akken qqaren yinzan n teqbaylit

«ulac afṛux yufgen ur iris, ulac taṣeṭṭa ur ihuzz waḍu». Inzi aqbuṛ

_________________________________________

ISEFRA IQBUṚEN

YENNA-YAS

SI MUḤ U MḤEND

Aṭas i guɣen lmitaq

Di ddnub iɛelleq

Tteṣbiḥ yezga ɣef yiri-s

Ur k-iṛeḥḥem ur k-yaɛteq

D sedd-is isaq

Ṛebbi yedha d ceɣl-is

Ay aḥnin yessedhaṛen lḥeq

Fiḥel ma nenṭeq

Amcum ad t-id-yas wass-is.

____________________________________________

YENNA-YAS CCIX MUḤEND:

Yenna-yas ccix i tqeddac-is isem-is Faṭima:

A faṭih

Qdec d leqdic

Ur ttuɣal ara d amcic

Ayen iketben ur ifut

Ayen ur nektib ɣas nfu-t.

A Syad at ahel lfuttuḥ

Tisura deg fassen-nwen

Suṛa-w dima la tettduḥ

Lehduṛ la ttzaden ur neqqsen

Ayen yuran yura deg lluḥ

D lameṛ-is ara yṣiṛen

____________________________________________

YENNA-YAS YUSEF U QASI N AT JENNAD:

Ma nenejmaɛ di Tfuɣalt

Bu tḥeṛci yawi-tt

Ma nenejmaɛ di Sidi Menṣuṛ

Bu neyya yawi-tt […]

Deux versions de Youçef ou Kaci

En kabyle:

Ṛebbi ay at lmeḥduṛ
taqsiṭ ad tt-nebdu ɣef lfa
smuzgdet fehmet lehduṛ
ad kwen-sseɣreɣ di lmaɛrifa
ad awen-berrzeɣ lumuṛ
am yedrimen di selfa

En français:

Par Dieu assistants
Ce poème je vais le preluder en "fa"
Prêtez moi l'oreille comprenez mes dits
Je vous enseignerai la sagesse
Je ferais pour vous toutes choses
Aussi distinctes que des pièces de monnaie dans une bourse.

_________________________________________

IMAYNUTEN

____________________________________________

YENNA-YAS YIDIR ḤMED ZAYED:

(Wagi d yiwen seg yimassanen n tmaziɣt, d yiwen ger wid isedduyen Agraw Adelsan Amaziɣ).

Asefru n tejmilt d azal i Dda Lmulud
AḌU

Ay asmi d-thubbeḍ ay Aḍu
yal tiɣmert deg-k la teffal
yeɣli yimɣi d usefru
s kra ibedden imal
tegliḍ s tigri usaru
teɣliḍ s win igan awal
I d-yenna deg yimeslayen
i d-yeẓḍa yidded n wul-is
i d-izdi deg wawalen
yeẓḍa-ten bedden am yilis
s kra w'ur nessin yurez-iten
s tmussni iheddeṛ yimi-s
Ay asmi d-thubbeḍ ay aḍu
ay d-tewwiḍ d yir tikli
yal tiɣmert teǧiḍ-tt tettru
tɣeḍleḍ w'inudan tili
tewteḍ agraw s-aqarru
tafat akken i d-tefrari...
Tensa teftilt deg neṭṭef
tafat-is mazal tettaɣ
di yal tamurt txulef
tira-s ṣeggment iseɣ
asm'akken tagwnit tesref
awal-is d igmi n wureɣ
Ay aḍu buddeɣ-ak aman
n ugeffur ard ak-yessers
mi llan medden staɛfan
tineddict-ik ziɣ tekres
d ddnub ma d kečč i t-yenɣan
ma d wiyaḍ tidett as-nḥess!!
● yettwakkes-d usefru-ya deg wedlis "Awal ɣef Dda Lmulud", tiẓṛgin ASALU, fuṛaṛ 1990.
____________________________________________

YENNA-YAS AMAR TAFAT:

UR NEẒṚI!!

Ur neẓṛi wukud ara neddu
yal wa iheddeṛ seṭṭac
taggara-ya ɛeṛqent-aɣ d ayen
iserreḥ ddɣel d wulac
neqqim kan deg yiwen umekkan
nessmuqul ɣer tama yessefṛaḥen
leqbayel ssɛan yiwet nikli telha
ttnaɣen ɣef nnif d trugza
tamaziɣt taɣelnawt tunṣibt
attan tbedd tḥeṛṛit
rran-as-d iman ineṣliyen
seg Bulifa ɣer Bennay
ad aɣ ssurfen widak ur d-nenni
deg ul ẓẓan am ibawen
tettkemmil armi d meɣres 80
mouloud mammeri d wegdud aqbayli
tamaziɣt d amezruy d abrid n tmussni
d aɣerbaz a yelli a mmi
ur yelli kan d tmesxiṛ

Asefru:

AZUL SEG UL

Wwiɣ abrid la ttedduɣ
ttnadiɣ ad awḍeɣ asirem-iw
ɣur-i ciṭṭuḥ n tmussni
ssuffɣeɣtt-id amzun d taḥuskit
nessarem ad ttili deg umezruy
am Mɛemmri d Kateb Yasin
walaɣ ifer n tmeɣrust yerɣa di lexṛif
yeɣli-d inehher-it waḍu
bujambeṛ yusa-d s igwefran
Yennayer s wedfel imelles-itt
tafuk tessaɣ swaḥel d idurar
azul ɣef umezruy n Cacneq
azul ɣef imeɣnasen n tmaziɣt
azul ɣef warem yebrir tmanyin
azul ɣef imaziɣen n tmazɣa
tamaziɣt tella iḍelli, am ass-a am zekka!
I d-yura Amar Tafat

YENNAYER

Ansuf s yennayer usɛid
awatay n wemɣid
deg wsegwas d ass amenzu
Yuli-d am waggur n lɛid
yeḍwa tudrin d temdinin
yal aɣmis fell-as iḥekku
Yebda-d di 950 send mass ɛissa
di trennawt n tegrawla
azemz n Ucacneq amaziɣ
Tameɣra-s tewwi-d iẓid
seksu d uyaziḍ
lwaɛda yega Ucacneq
Tagi d taɣerma n ugellid
isem-is yettali yettzid
amezruy mad a t-yettu?!
Agdud amaziɣ irfed-it
ɣer igenni yessuli-it
yal uḥdiq yewwi-d asefru
____________________________________________

Ayen yellan kan

____________________

Ata wul-iw yensis-d
yra ad d-yini tawalt-is
asigna yuli-d deg genni
iṭij iεedda d ubrid-is
win yennan tidet iɣullef
as-d-εeddin d wanzaren-is
rfed aḍaṛ-ik sers aḍaṛ-ik !!
asefru yurza iḍaṛṛen-is
tikerkas llsant axelxal
yal ta tezuɣer-d arraw-is
ma yewwet-ik zman amcum
ak-yernu ula d ṛṛxis!!

____________

Yal wa d amek!

Yal wa iberrek d abrak
Yettarra-tt ɣer wanda ur telli
Fettin wagad ikersen
Snaεmalen ur walan ddreɣlen
Mazal wid yettεabbiden
Mazal wid yeskerkisen
Tif-aɣ ula d Zimbabwi
Zdat wegdud ur ttneḥcamen
Sawalen-d ibennizen
Mazal widen ten-yettamnen
Ṭafaṛen-ten am izamaren
Ṭamaεen seg-sen
Akken ad bedden yid-sen
A ten-id-walin wid yettnezihen
A sen-d-ḍeggṛen ulac deg urawen
Tewerwer, terewrew, tekerker, tebberber
Ar ass-a tug' ad ttekker!!
___________________________________________

YENNA-YAS MUḤAND N AT ƐEBḌELLA:

(amedyaz agi yessuffeɣ-ed adlis yessema-yas "aḍṛef").

TAGRAWLA

Necfa meṛṛa i wass
asmi yeqwa ṛṣaṣ
s yidamen iɣezṛan ḥemmlen
wa yemmut babas
wa temmut yemmas
yal wa anwa i as-iṛuḥen
wa nufa aẓekka-s
wa nfuǧ fella-s
ala isem-is i aɣ-d-yeqqimen

Mmuten mmuten
ǧǧlent tlawin-nsen
tegguǧel dderya-nsen
mmuten

Abeḥri iṣuḍ-d
aḍu yessawel-d
yessenhez meṛṛa ixxamen
ma teṭṣem akit-d
ma tekrem awit-d
ayen tesiam ad tewtem
aɛdaw ilḥeq-d
tagrawla tewweḍ-d
ad nemmet ɣef wayen i yaɣ-kksen

Iṣuḍ-d Iṣuḍ--d
yessawel-d akken tekrem
ma d-nerr ayen i yaɣ-kksen
kkret-d

Uqbel ad mmten
deg wexxam mi d-ffɣen
ẓṛan d acu i ten-yettṛǧun
s adrar ad ṛuḥen
lfetna ad tt-xedmen
aɣrum iban ad teṛwun
tikti s i d-qelɛen
ad nɣen neɣ ad mmten
qeblen ayen ara yeḍṛun...

YENNA-YAS BELƐID AT MEJQAN:

(Tajmilt i dda Lmulud n At Mɛemmeṛ)

DDA LMULUD MƐEMMRI

Allaɣ-is amzun d iger
iggar-d ur yettcuḥu
lɣella-s ur tnegger
Win yeffuden ɣur-s ileḥu
Aẓaṛ yerrat-id yedder
Amezruy ad as-yecfu

DDA LMULUD MƐEMMERI

Yerra-yaɣ-d meṛṛa d nekwni
Iseḥya-d imezwura
Imla-yaɣ abrid nni
I neǧǧa geddac aya
Si teɣri teffeɣ-d teɣri
Deg gsefra neɣ di tira

DDA LMULUD MƐEMMRI

Anwa i d Yusef u Qasi
I yesṭeṛḍiqen isefra
Deg Wat Jennad yettili
Tamurt inuda-tt meṛṛa
I ymeddeḥ deg wat Yanni
Ass-a la t-neqqar meṛṛa

.......

Tamazight, ma langue bien-aimée !! - AGRAW IMAZIGHEN @@@الأمازيغ.. الرجال .الاحرار@@@ⴰⴳⵔⴰⵡ ⵉⵎⴰⵣⵉⴳⵀⴻⵏ

Tamazight, on a voulu t'effacer, tu as su résister D'un passé révolu, oublié tu renaisA travers les siècles tu n'as jamais cessé d'évoluer Quel est donc ton secret? Ton secret, j'ai parcouru tes terres pour le chercherLes montagnes du Rif et de l'Atlas, j'ai affronté Tes vallées verdoyantes de palmiers et d'oliviers, j'ai longéDans les forêts d'arganiers du Souss, je me suis égaréeTon désert vaste et aride, j'ai traversé[…]

http://tirrokza.canalblog.com

TAMEDYEZT S WUDEM IMAWI(CLIP)

📳Yousef u Qasi ● At jennad● Timizart ●freha, Aghrib. Kabylie. Algérie,Amar Tafat