Yelha leqdic

Tametti 

Ekker-et ad nebdut tikli, ad neṣeggem taddart nneɣ, as nerr ayen i tt ixuṣen, a tt ncebbeḥ akken iwata, d iseggasen tessker-aɣ-ed, d nettat iɣ isseɣɣren. Yewwi-d ad nexdem fellas, fiḥel medden ma nnan-aɣ-ed. Ass-a a nexdem tacemlit ula d yiwen ur yettɣima, kkset tifinyent deg wallaɣ, astehzi seddut-ett d yiḍuman. Ggedha ɣef widen iqeddcen di tudrin suffɣen-ten-id armi beṛqent, widak d wid ifehmen, Ṛebbi yerra-ten d uzmiren, ṭmeε deg ul ur t ssεin, ger medden yuli wazal nnsen. Ayen ik yettṛaǧun mehel-it, m'ur tessineḍ siked ɣer wid ik yifen.

Yenna Ccix Muḥend ɣef taddart :

Ddaεwesu n tuddar tewεeṛ

Tfellu am teṛṣaṣin

Alebεeḍ ma yuɣ-itt di dderya

Ad yectiq ad yesdukkel sin

Win i tt yuɣen di tferka

Ad yictiq tibexsisin

Win i tt yuɣen di ṛay-is

Ula d Muḥend ur t yessin