Ccix Muḥend d Si Muḥ U Mḥend

Sin n yisefra igerzen i d yellan ger sin n yimedyazen mechuṛen Ccix Muḥend d Si Muḥ U Muḥend.
Yenna-yas Ccix d-amezwaru:
Ɛellem tcudd tyaqut
Weqεen yizlan
Lexwan d-teḥbes tsarut
Ɛellem d acu k-yehwan
A Ṛebb'ahbib fell-i fru-tt
Ad fell-i faken iɣeblan
Beṛka-k lqahwa di ssuq
Akw d'lesfenǧ uẓidan
Lbenna seg-m ar taɣect
Siwa leεtab win i t-yernan

Yerra-yas Si Muḥend si tama-s, yenna-yas:

A lfahmin llah ɣaleb
Ṛebb' akka i geteb
Lmeḥna a tt-εeddi f ṛas
Mačči d tiselbi i nesleb
Aṭas i nεetteb
Aqlaɣ d imeḥzan kul ass
Lweq akka i geskaddeb
Salet lmujeṛṛeb
W'ur nuda ur εeddant fell-as