Inzan mmalen-aɣ iberdan

"iheddeṛ umeksa uqbel ad d-yaweḍ bab n yiger"

Aṭas n yinzan i d-ǧǧan imarrawen-nneɣ imaziɣen deg-sen tamussni tameqqrant anda nettaf tifrat n yal ugur, neɣ anda ara neεqel kra s usemcabi n yal lεib izedɣen alebεaḍ, amedya am wakken qqaren ɣef win yesṭuquten netta ur imehhel, neɣ ur ifeεεel, nnan imezwura: "iheddeṛ umeksa uqbel ad d-yaweḍ bab n yiger". Ma yufa-t-id bab n yiger yeksa deg wayla-s iban ad t-ixeṭi neɣ ad d-yejbed ɣur-s aεekwaz ad t-yerteε.