Tiquṛdac i d-isbuḥḥet Amar Tafat

Amedyaz special

"Dderya i d-nṛebba ruḥen Am yefṛax ufgen ɛellan..."

Wagi deg umezruy n tmedyazt i yeḍṛan, deg iseggasen n 1990, ihi yiwen umedyaz afṣiḥ yewwi asefru ɣef dderya, yenna-yas

"Dderya i d-nṛebba ruḥen

Am yefṛax ufgen ɛellan..."

Yekker-d yiwen umedyaz, "special", yenna-yas netta:

"Lwaldin i d-nṛebba ṛuḥen

Am yewtal ufgen ɛellan..."

---

Ihi akka ssefruyen akk, maca anwa i d amedyaz n tidet, yal cci iban ur yeffir, yal taɣawsa deg umkan-is, akka i nebɣa ad tt-ṣiṛ, yal yiwen yemhel cɣel-is, am ass-a ǧehdd ad yifrir, aṭan ad yeffeɣ iman-is.

---

Taqsiṭ n yizi

Iwumi qqaren : "amcum n unebdu" neɣ "le petit salaud" neɣ "les petits salauds"? Nnan-ak wagi "d izi neɣ izan" neɣ "la mouche" neɣ "les mouches" on sais tous que c'est des grands dérangeurs, sawaḍen amdan ɣer uwezɣi(ɣer lmuḥal), ticki ulac ttawil, terwi teberwi!! Ilaq taṣeṭṭa, neɣ flitox, neɣ abuntilatur, neɣ wet iman-ik s ubeqqa!! En tout cas ulac win i yḥemlen izan, slid(sauf) afṛux nni i wumi qqaren "ṭebbib bu yizan", wina yettra-ten(iḥemmel-iten) m'ara isell ttzenzunen d tumert-is, acku itett-iten ula d lmakla, yissen i yettidir.

---

Aṭas i ak-yeqqaṛen "aɣyul ur yettxemmim ara!". Netta yili yettaf-itt-id yal tikelt.

Yiwwas nnan-as "ad ak-nefk ṛabεa n temẓin, ak-negzem aqeṛṛuy-ik?". Yerra-yasen, yenn-yasen "imir anwa ara tent-iεelfen?!".

Yiwwas diɣen nnan-as "ass-agi fiḥel ma teswiḍ aman!". Yenna-yasen "eǧǧet-iyi kan ad serseɣ icenfiren-iw". Aɣyul mačči am iɣersiwen nniḍen, ur s-tettfiqiḍ ara mi ara ittes. Ihi ǧǧan-t isers icenfiren-is am tɣawsa ɣef waman, netta ziɣ yeččuṛ aεebbuḍ-is, ur s-faqen!

 

---

Amcic d uɣerda : 

inna-as umcic

— Eyya ad nurar! Inna-yas uɣerda 

— Akken ik-iweṣa babak, iy-iweṣa baba! 

Amcic yefhem yerra-d akka . 

Tella diɣen yiwet n tenfalit n teqbaylit yeqqaren : "am umcic ar uɣerda". 

Ticki mgarrden sin, ur εdilen ara nezzeh nezzeh : lleflani netta d lleflani " am umcic ar uɣerda". />

---

Tikal neqqar s teqbaylit "amdan-ina d ifiṛaεqes", ubayen yewεeṛ ma yeṭṭef-ik.

Ifiṛaεqes mi ara twaliḍ, yessεa sin icikkan, am tɣemdin yellin, mi iteddu ad ttɣileḍ ɣef yidis i iteddu, mačči am tɣirdemt. Ihi qqaren deg yiwet n tenfalit, "ifiṛaεqes ma yeṭṭef-ik s icikkan-is, ur ak iberu alama iεeggeḍ-d uɣyul di lebḥaṛ

---

Targit n Jeḥa

Yiwen uṛumi, yiwen waɛṛab akked Jeḥa. Tḥewisen di tmanaɣt i tlata yid-sen. Teddun ... Teddun di temdint, armi d tameddit, rran ɣer usensu, ttfen taxxamt. Rnan uɣen-d ayaziḍ, yewwa igerrez.
Atenad di texxamt, ara ttnaɣen anw'ara yebḍun ayaẓiḍ. Aɛṛab iqqar-as : " d nek ". Arumi iqqar : " D nek ". Ur msefhamen ara.
Inna-yasen Jeḥa :
- Teẓṛam ...
Nnan-as: D acu?
- Yyaw ad t-n-njemeɛt. Ur t-ntett ara iḍ agi. Tura ad negen-t, simi d azekka, win yurgan targit yelhan, d nett'ara t-iččen, azekka lawan imekli (ɣef 12 t).
Nnan-as: Yerbeḥ, d ṛay lâali ... !
S nneya-nsen qeblen ayen i asen-d-inna Jeḥa, ṭṭṣen iḍ nni s imi yezgen yiḍ. Jeḥa iqqes-it-id llaz, ikker-d ičč'ayaziḍ nni : Azekka yen sbaḥ am laɛwayed, rran ad ḥewsen di temdint. Simi d (12t), myagaren ɣer texxamt. Aɛṛab yemmeɣ ad d-iddem ayaziḍ, andd'akken i t-ffren, iwala-t Jeḥa yenna-yas :
— Aba...
b... bbab ba! Eḥbes din... Hku-d qebel targit-ik.
Dɣa iɣawel yenna-yas Uṛumi:
— Aweddi, nekinni, urgaɣ ṛuheɣ ar Marikan, takaṛust llahlah... Isuṛddiyen... Lḥasun d ayen izaden ... !
Aɛṛab yenna-yas:
— Urgaɣ akken i neddukkel!
Jeḥa yenna-yasen:
— Walaɣ-kwen-in mi truḥem, ɣileɣ ur d-tuɣalem ara, dɣa ččiɣ-t.
Ičča ayaziḍ-nni s teḍṣa.

---

Tamacahut n Ṣibbus

Ttallsen-d, asmi neṭqen yifṛax, yiwet n tikkelt gan timsizzel, anwa ara iɛellin s waṭas deg genni, ula d ṣibbus ittekki. Ihi, tebda temsizzelt ara ttɛellin, yal wa d anida i t-yessaweḍ lǧehdd-is. Ṣibbus d netta akk i d amḍɛafu, i d amecṭuḥ gar yifṛax, maca yufa-d tiḥila imi i teḥṛeṣ tegnit, iwata ad tt-id-tawi di miḥlal d amezwaru. Amek yexdem? Irkeb s ufella n waɛrur n lbaz, ifren lbaz acku d netta i yettɛellin nezzeh gar leḍyuṛ. Yeẓṛa d lbaz ara iɛellin akk ɣef yifṛax, ulac win ara yawḍen anda ara yaweḍ, mi yeɛya lbaz tewweḍ s aḥdid, ṣibbus ad yernu tirni d asawen, ɣer din yiwen ur yezmir ad yaweḍ. Akken ay tṣaṛ, lbaz ittɛelli-ittɛelli armi i d-yettban annect n uxeclaw, ifṛax nniḍen feclen, lbaz diɣen yefcel, ṣibbus imir nni i d-yestufa. Timsizzelt irbeḥ-itt ṣibbus.

Maca akken yebɣu yili, di tidet, timsizzelt d lbaz i tt-yewwin, di tkerkas yewwi-itt ṣibbus. Maca diɣen akken qqaren "tiḥeṛci rnu-tt ɣer tigzi", imi win iḥeṛcen ittmeyyiz, yerna ittsellik iman-is Win iẓewṛen diɣen s wazal-is, yesɛa taɣara. Izem ɣas yeǧhedd yewɛeṛ isweḥel-it wuccen. Uccen diɣen ɣas yeḥṛec yufa-d win i t-yugaren, isweḥel-it inisi. Ihi, yal yiwen s wazal-is; yal ywen d taɣawsa i t-yessulin, akken ula d imdanen.

---

_{Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}