Asenfali ɣef tutlayt n tmaziɣt

Ayen i d-isenfali Amar Tafat deg umiḍan fb ɣef tutlayt n tmaziɣt

1- Llant tutlayin am isafen, win ur nεus iman-is ad t-awint, ur d-ittmektay iman-is, ad tawi zehwa, as taεṛeq tutlayt-is d tmagit-is. Uḥdiqen as inin "a neger-ik yif-ik ula d win ur neɣri !!!". Imi yeǧǧa tin-is.

2- Imaziɣen ur nessin ara ad arun s tutlayt-nnsen, wehmeɣ amek gan! Imi d tira kan ara lemden deg-s, ur walaɣ ara ugur nniḍen, ayen ara ɣɣren ad tfehmen, ugar n tutlayt tajenṭaḍṭ. Akken is yenna inisi "cṛeε igenni laεmeṛ yelli".

3- Amek ara d-tiniḍ ttaruɣ, ma yella ur tettaruḍ ara s tutlayt-ik tamaziɣt, neɣ ur tettaruḍ ara ayen akk i iwatan ad yettwaru yiss?! Tura tamaziɣt twata-yas tira, amedya, di fasebuk, d iblugen, d wa i asaka n yal ass, ara tt-issisinen deg umaḍal. D asfaylu(ṭaq) iweεεan akwmani.

4- ANDA NURA S TMAZIΓT IGERREZ

"Eg-as-d ceḍeb i wasif" akken is yenna Ccix Muḥend.

Anamek : win neɣ tin yettarun s tmaziɣt , in'asen "ad kwen yallel Wuzmir", maca ur sen qqaren ara "awfan akka am nek ara txedmem", acku yal wa, yal ta d akken iweεa yega taɣawsa i tmaziɣt yif win-a ur negi kra, ahat lemmer iweεa, ad yeg ayen ur xedmen medden. Yelha usebɣes, yif(xiṛ) asefcel.

5- Win walaɣ yura-d kra n uḍṛis s tutlayt n tmaziɣt ttiḥmileɣ amdan-nni, imi ula d netta si tama-s akken, ad yebɣu ad iwali acu i d-turiḍ. Ahat yezmer a d-yelmed kra sɣur-k. Akka i d ddunnit, mi nella deg yiwen ubrid tamara ad nemyiḥmal, ad nettemεuzu, ad nettemqaddaṛ.

6- Tutlayt n tmaziɣt temugger-d kra n warraw-is d yesis i tt-irefden akken iwata, ass-a mačči am yiḍelli, yella-d ubeddel d ameqqran. Ttawil ttawil ad uɣalen d aṭas kra-agi, win neɣ tin yukin yiss, ur yettuɣal s iḍes-is.

7- Nekwni s wagad d tagad iḥemmlen tutlayt-nnsen, newwet ixef-nneɣ di tira n tmaziɣt, nkerrez am izgaren, kra nettwali-ten/tent kečmen(t)-d ar tutlayt seg tewwurt ufella,  kra tteffɣen/t seg tewwurt n wadda. Ur sen(t)-teεǧib ara aεni tutlayt-nnsen/t wiyi d tiyi itteffɣen akka ?!

8- Ma trewleḍ ɣef tmagit-ik (llaṣel-ik) d tutlayt-ik, s ani terriḍ ur tettafeḍ iman-ik din-a, ur tettiliḍ di talwit, ur tettbiniḍ, tzemmred kan ad tedduriḍ agafa, am yisɣi...

9- Win iwet llaẓ s aεebbuḍ, netter-it, yugi ad yaru; yugi a d-yini; yugi ad isell; yugi ad iɣɣer, iḥemmel kan ad iwali!!. Yerna meskin ur yeṛwi! Win iwet llaẓ ɣer wallaɣ iḥemmel akk wigi ■

10- Tira n tmaziɣt tegwet kan di tmurt n yiqbayliyen, di temnaḍin nniḍen timaziɣin am wakken mačči d axxam-is. Ttmeslayeɣ-d ɣef tira n yal ass di fasebuk. Lemmer a d-ttarun at n temnaḍin timaziɣin yili ad -tefukti, a d-tili tdukli n tsekla, a d-yili uskasi, "ad talles(ad teḥku) tlemmast i rrif", akken qqaren ineɣrimen. Kra ad mehlen tugett ad ttfeṛiǧen? ! Ar daxel ay ul!!!

11- Drus i iḥemmlen taqbaylit d tmaziɣt, aṭas ur d-necliε(d-tuqeε) di tmaziɣt. Nura, nenna-d, nessefra, ar deqqal nettemlili-d kan d ciṭuḥ-nni i tt-yeɣɣaren, i tt-yessebɣasen. Ar melmi ara tessεu tmaziɣt arraw-is s tugett?!

12- Nettarra azal i wagad d tagad yettarun, nettεuzu agad d tagad yeɣɣaren, anef εad agad d tagad isellen. Ubayen, s tutlayt n tmaziɣt.

ttps://www.youtube.com/user/MrTafatamar