Lmulud At Caεban, sɣur Amar Tafat

Asmekti n umaru ameqqran aqbayli Lmulud n At Ceεban

Lmulud Ferɛun, neɣ Lmulud n At Caɛban, d amyaru aqbayli-azzayri, s tutlayt n tefṛensist, yura aṭas n yidlisen, La terre et le sang(Tamurt d wehni), Les chemins qui monte (Iberdan yettalin), Le journal (Aɣmis)... Am wakken yura yiwen n wedlis s teqbaylit, ɣef si Muḥend U Mḥend - Les poèmes de Si Mohand.  Ibedd d amyaru iḥemmel tamurt-is; yennuɣ fell-as s yimru, yesla-yas-d ucengu, nɣant mi d-tettali timunent, ass n 18 di mzɣres 1962, yemmut d ameɣras. Yeqqim-d yisem-is s tira n wuṛeɣ deg umezruy. Fell-as talwit d usgunfu.

Yiwen n wakud akken, qqareɣ idlisen n tefṛensist yura Lmulud n At Ceεban, ad awen-iniɣ, ḥemmlaɣ aṭas tira-ines, ittalles-d timsal akken llant, mi qqaṛeɣ am wakken ttwaliɣ taqsiṭ sdat-i. Tira-ines d taḥerfit, teshel s waṭas i imeɣri i wakken ad yegzu. I syen akkin s kra n udlis-is ɣɣri , ɣɣriɣ-t s umata, seg usebter amezwaru, alama d aneggaru. Qqareɣ-as "wagi isdukkel-itent, d amaru, d aneɣmas", acku yettawi-yaɣ-d ula d isallen yeḍṛan deg iseggasen yezrin, d wid n tegrawla n 54, di taddart, neɣ di temdint. M'akken yesselmad deg uɣerbaz, netta tiṭ-is di beṛṛa deg wayen iḍeṛṛun yettaru-t, yesselmad di tama-nniḍen arrac d tullas. Ziɣen d aymi mechuṛ di tmura, mačči kan di tmurt-is. D aqbayli, d mmis n Tizi Hibel, iwṛet-d tamussni n imussnwen imezwura, issader-d iziɣer-nsen, am Apulay, Ugustun, Yuba wis sin, atrg...

Γɣri kra n yidlisen-is, yecban: Aɣmis, Mmis n igellil, Iberdan yettalin, Tamurt d uhni... Lemdeɣ-d aṭas ɣur-s. Wid i t-yenɣan yif-iten, iεedda-ten, tayeḍ, d nutni i yemmuten, netta mazal ibedd wawal-is, ibedd wazal-is ɣer ugdud d imussnawen. Yewweḍ-d usmekti n tmettant-is 15 di meɣres, fell-as tajmilt, d talwit d usgufu.

Yura-t-id Amar Tafat