Taqsiṭ n Kuṛuna

Yezreɛ am ujilban deg umaḍal
Isem-is: virus korona

Imeqqi ger yiḍ d wass
Yeǧuǧug yettak-d aɛeqqa
Yeṛɛed iɛedda tillas
Atan yezwar-d di Cinwa
Yečča Haway d yesetmas
D umatu yewweḍ fṛansa
Ur iɛeṭṭel yudef timura
Degsent izad umerwas
D Ṭelyan neɣ d Spanya
Isett-itent am tmes
Ttawḍen-aɣ-d isallen n ddir-i
Yal ass ttmettaten igiman
Imassanen weḥlen di tujjya
Kecmen tamadaɣt n tteryel
Nebbgen ussan d wuḍan
Aṭan ur s d-ufin ddwa
Ur ẓṛin lbir deg i d-yekka!

Ddwa-ines d lebɛada
Qqim deg uxxam i yelha
Γer beṛṛa ur tteffɣet ara
Ḥiwlet ṣabun i tarda
Ulac ula d asellem
S wawal azul lɛeslama

Aṭan nessarem ad iṛuḥ
Wagi s yisem korona!
Ad yeḍfeṛ ṭaɛun d teḥbubt
Wid yemmuten yuran-yasen
Ad ten-yeg Wuzmir di ṛeḥma

Sɣur, Amar Tafat ,aseggas 2970/2020