Ur tettut tinzert-nnwen

Tikti 

D ameggal neɣ d asuki 

Ɣer wigi tcuba tudert n wemdan Alebɛeḍ iḥemmel tikti 

Yeqqar-d ayen is-yehwan 

Wayeḍ yerra-tt i tikli 

Iɛedda akkin i lalman 

Wayeḍ yestufa-d i tḥeṛci 

Iteddu akken ddan waman 

Ay igellil ay ameṛkanti 

Ɣurwat ad wen-ikellex zman 

Tamussni tezdeɣ deg igenni 

Win tt-iɣunzan yeṛwa urfan 

Meskin yettwarez s ibeddi 

Aḥlil ma ur as d-bran! 

Ur tettut tinzert-nnwen 

Tamaziɣt d nekwni i tegguni

         Sɣur, Amar Tafat