Anwa yufan ad yaru yugi?

Aru! Aru! Telha tira, anwa yufan ad yaru yugi ?

Ameẓẓuɣ n wemdan ira ad isell awal yessɛan anamek* ɣer wuḥdiq ara t-id-yessmektin s usefru neɣ s weḍṛis n tasrit ɣef tidett, acku amdan tikwal yettadef di tlufa d tqaqacin, yettcixi di zzhu armi itettu ayen yessullfen d wayen iwatan, asmi ara iɣɣer kra n wayen yennumken ad as-teḍṛu, am win  yelluẓen yečča, neɣ am win yeffuden yesswa, a d-yekker s tudert

taẓidant, s tezmert meqwren, ad iḥulfu s iḥulfan it-yurzen ɣures, ɣer wayen yettu! Aru aru!
-------------------
*sens

Asefru

TIKLI

Nettɛanad ɣer yergazen
Widak ifehmen
Ssnen ssɛan tirrugza
Ttcabin ɣer yizmawen
Tikli-nnsen tewzen
Rnan ula d lḥeṛma
Ttemcabin akw gar-asen
Nettmaggar-iten
Yal wa d taɣara* i gessɛa
---------------------------
*qualité

Amar Tafat