Qqaren telha taḍṣa

Nekni s leqbayel nekṛeh taḍṣa s waṭas, win ittaḍṣan s waṭas, neqqaṛ-as di tenfalit "d aɣyul i d-yeǧǧan taḍṣa", yaεni yettimsus umdan-nni zdat medden.

D anemgal, imejjayen n tnefsit qqaren "telha teḍṣa".Caṛlu iwumi sawalen "Charles Chaplin, Charlot", d yiwen n usegdaṛ ameqqran aqbuṛ n useḍṣi,

yerna d amejjay n uqeleq d uṭansyu, yenna-yak "taḍṣa d ddwa n tdawsa". Caṛlu amulli-ines iḍelli,ass n 16 di yebrir, at tmurt-is ttagan-as tajmilt tameqqrant mi ara d-yaweḍ umulli-ines, ladɣa di 16 yebrir n useggas-a walaɣ gan-as tajmilt ur nessεi tamtilt

di tmurt n Lhend, gan yiwet n tɣawsa isewhamen iyi-iεeǧben, llsan-d akk iselsa yettlusu Caṛlu, zewqen-d akk am wakken d netta, imttekiyen n tfaska, win twalaḍ as tiniḍ "wihin d Caṛlu". Ayen-d i d-yettnulfun deg umaḍal ar wid iɣɣran ifehmen, yesseḥbibiren ɣef ugerruj n tagmi.

         A.T