Tameddit i qqaren "anṣuf"

Amḥezwer

Cluc asmi yeɣli ɣer gar iɣuṛaf n tessirt, nnan-as medden "wali-k lḥemd a Cluc imi tmenεeḍ". Irra-yasen, yenna-yasen "maεna muqel zzedwa-nni! Ur s-nniɣ ara ad d-ffɣeɣ salamat!".

Akka i teḍṛa ussan-a di Fṛansa di tefranin n tselwiyin n wass n 10 di yebrir. Deg umzizzel n tefranin, deg tazzla tamezwarut(premier tour), di tazwara yufrar-d s zhir-is Erik Zemmur, ijmeε-d d igiman n medden, as-tinniḍ "yewwi-tt d unṣib", asmi tewweḍ ɣer tidet, "teqwel-as tmeɣra d amyuqen", yufa-d iman-is seg ineggura, ur iεedd'ara ula ɣer tazzla tis snat. Ad naf yuẓa Makrun ɣer udaru amezwaru, terna-d ɣur-s (s lḥeṛṣ) Marine Lepen, atenan la ttemgaracen iḍ d wass, ma d Milancu iεedda ɣer tazzla tis snat, maca yeḍḥa-d d anefray gar Makṛun d Marin Lepen. Anwa ara yawḍen tura d aselway n tmurt! Tura ak-qqaṛen akk "d Makṛun ara tt-yawin ass 24-agi sdat-neɣ.". 

Sɣur Amar Tafat

---

Ini-d acu twalaḍ s uwennit ddaw umagrad