S teqbaylit ad nemsefham

Inna-yas win-a "awal d amecṭuḥ negguma ad nemsefham fell-as s teqbaylit!". Nnan-as medden "amek a winnat?". Inna-yasen win-a "nek ttmeslayeɣ-t s teqbaylit s tutlayt-nneɣ, netta ad i-d-yettmeslay, tikwal s tṛumit, tikwal s taεṛabt, s tegnizit, igumma ad ifak awal-is, am imegziyen, issaεṛaq-iyi abrid, am tyaziṭ timsaεṛeqt!". Ikemmel yenna-yasen "ur ẓṛiɣ ara d acu n unamek yessεa wayagi?". Nnan-as medden "wagi d zzux yečča wefṛux, d lqella n tmussni, ur yessεi kra d anemek, amdan yettmeslayen s tidett ur d-ijebbed ara kra n tmerna ma yella ur terri tmara".

A. T