Tillufa d umedyaz

Imcac

😹🙀😾😱😤

Fell-i ɣef zzin imcac

Tixebbac tikerrac

Mi ssεiɣ aḥbib ad t-ḥewṣen

Cɣel-nnsen d amgarrac

Lemdeɣ timeqlac

Γɣriɣ akk tamussni-nnsen

Imcac ar yizem am arrac

S ujeṛmuq leqmac

Urzeɣ-ten yiwen yiwen

———

Iyuzaḍ

🐦🐥🐦🐣

Aqli am lbaz ittewten

Γliɣ ar iqwiṛen

Tihin fell-i iyuzaḍ

Akka i cubaɣ ungifen

Imkerksen d iqezaben

Ur rziɣ widak nɣaḍ

Ugaden-aɣ imi nessen

Deg-neɣ ttarzen

Deg ul ǧǧan acayaḍ

———

At wulac

Amussnaw mačči d aydi

A d-teṭfeḍ yiss inisi

Ay anegmar di leḥwac

Amussnaw d izem ilelli

Tissas tiḥeṛci

Ur yetturar d warrac

Amussnaw d imegzi

Yemmas d tamussni

Ur yelli deg at wulac

———

Axṣim

Ay axṣim a lbaṭima

Awal-iw d lbumba

Ḥezzeb i uzekka-k cwiṭ

Amedyaz d bu tira

Iqelleε tigejda

Mačči d lbunya ar tiṭ

Win-a mu tezzi tira

Terrat d cmata

Yiwen d ddadak teẓṛiṭ

———

Sɣur, Amar Tafat, aseggas 1990