Tutlayt ma nebɣa ad tesrifeg

Acimi i iwata ad naru s imura n tmaziɣt deg iblugen d fasebbuk? Acku dagi yelha-yas i tutlayt, ishel iwakken ad tt-lemden, ad walin medden tutlayt-nneɣ, ama d amaziɣ, ama d wayeḍ, ihi tessεa abaɣur aṭas, yerna tutlayin n umaḍal s umata atenti da. Tura ddunnit tulles(tεawed)aεammuṛ timura beddlen tikli, nekni iwata ad neḍfeṛ abrid amaynut, ur nettɣimi ara daxel n wuruz anda iɣ ǧǧan wid iṛuḥen. Tutlayt n tmaziɣt ma nebɣa ad tefrek, as nefk tagnitt di yal amkan iseffken, iwata ad nekkes ṭmeε d ṭṭaεun, ma ulac ur trebbeḥ tutlayt, ur t-nettaf nekni. Serḥet-as s tira anda tweεa igduden ara tt-iwalin am yiṭij d tziri, ad tbin ger tutlayin, ad ẓṛen medden tamussni-s d wazal-is. "Ur s ttarat ara algam i tmussni", akken yenna umussnaw n tmazɣa Dda Lmulud Mεemmri. Ihi,  iwata ad nekker s umata ɣer tira, yal wa, yal ta s wayen yezmer, yal amaziɣ d tmaziɣt ad nwali amiḍan-ines yeččuṛ s tira n tmaziɣt, imir a d-teɣli tdukli seg igenni mi ara myusanen imaziɣen wagar-asen s tira n tmaziɣt, yal wa ad ittekki ɣer wayeḍ, tutlayt ad taf iman-is, tutlayt ad tessεu affud, ad tuɣal am tzemmurt, s teɣzi akked tehri.