Ulac tuččḥa deg warraz
Qqaren : « Win akk ixedmen yezmer ad iḥazz (ad ilaḥeq) iman-is, am wakken win imehlen s wul-is d tidet, ad ilin wid ad t-ikeṛhen.»
Nek teḍṛa yid-i akka di 1997 d 2000, asmi sεeddayeɣ imedyazen di temsizlin i d-suddusent tdukliwin tidelsanin, anwa yessnen d win ixuṣṣen, ttiliɣ d imḍebbeṛ amezwaru, d aselway ameskrid (président de jury) akk d yemddukal yellan yid-i, maca yal tikelt ttefɣen-d igemmuḍen yelhan d uɣdimen . Amedyaz i d-yufraren di temsizelt, armi yeẓweṛ. Ihi feṛḥen akk medden, s wayen i d-nessuffuɣ. Si tama nniḍen, llan wid iyi-iṭfen tuḥsift(ceḥna), imi ur asen-nefki ara arraz, heddṛen rennun, am wakken neḥsed-iten, yili nekni ur neẓṛi n wansi-ten.
Nek di tazwara asmi ttalmadeɣ deg unnar n yidles, llant tekwal srusuyeɣ imuhal-iw n tmedyazt ar tefranin, ur d-ttawiɣ kra, armi d asmi d-wwiɣ iman-iw, uɣaleɣ wwiɣ ayen din n warrazen. Maca, werǧin ččiḥeɣ ɣef yiwet n tuddsa ma ur yi-tefki arraz. Ahat mazal ur as-ssawḍeɣ ara !? Ihi, ulac tučḥa ɣef warraz. Yal wa ad yaweḍ ɣer usirem-is deg wanda yeẓweṛ.
Amar Tafat
Ulac tuččḥa deg warraz
![Ulac tuččḥa deg warraz]()
Reviewed by Amar Tafat
on
avril 28, 2022
Rating:
Aucun commentaire
Dites vos commentaires en toute démocratie seulement avec respect