Wid ur nefhim amedyaz

Ar wid ifehmen swiɣ, ar wid iyi keṛhen iban, akken telliḍ, as inin "ixuṣs".

Bɣiɣ ad wen-d-iniɣ kra fell-i, llan wid iyi yegeren tamawt, am wakken ur ḥemmleɣ ara ad mmeslayeɣ s waṭas nek d medden, llan imseqcaṛen qqaṛen-as "isemɣur iman-is, kadawakada". Nek seg tama-w, ad sen-iniɣ "teskerkisem, d afham ur tefhmem ara imdanen", acku nek mačči d asemɣer i semɣureɣ iman-iw, ur ssεiɣ ara aɣawas-agi. Ar wid ifehmen swiɣ, ar wid iyi keṛhen iban akken telliḍ, as inin "ixuṣs". Iḍheṛ-awen wakud(lḥal), amaru, neɣ amedyaz, ur istuf ara iwakken ad ittxallaḍ s waṭas medden, neɣ ad ittmeslay kan. Acku nek sseεεuɣ imuhal n tira, ihi ḥemmlaɣ ad sleɣ s waṭas, wala ad meslayeɣ. Am wakken diɣen ḥemmlaɣ ad qqimeɣ d wid yessnen ad senfalin s teqbaylit, acku rennuɣ-d tamussni sɣur-sen. Ticki d timesliwt s waṭas, abaεda i ḥemmlaɣ, acku taqbaylit iwata fell-as unadi, ama deg wawal d umawal, ama deg tenfaliyin, neɣ d inzan, awfana d-nerr yal taɣawsa, yal awal ar tira. Γef waya yenna-k yiwen"greɣ-ak tamawt,ur tettmeslayed ara am medden nniḍen, ayen? Tezgid tesusmeḍ ger medden!". Rriɣ-as, nniɣ-as "ma d anda iwulem a d-meslayeɣ, εyiɣ nniɣ-d awal-iw, ma kan akka, (yenna wagu yenna waḍu)mačči ubliji. Ma yella kra i d-nniɣ yelha, ma susmeɣ igerrez.

A. T

http://idles20.canalblog.com/