Ulac fell-as tuzzya n wawal

Lemmer necbi agad yessnen azal n tnaṣlit, d tutlayt d yiwen n usentel ur nezmir ad t-ncerref, neɣ ad t-nḥerref, imi d adif n umdan.

Yenna-yas yiwen uṛumi deg wawal-is "si je suis un amazigh j'écrirais en tamazight, et j'exprime sans exception, pas de questions à ce sujet ". Wissen ma nettmeyyiz akka nekni s imaziɣen!

Yenna-yas "lemmer tamaziɣt d tutlayt-iw, yili ad aruɣ yiss, yerna ad utlayeɣ yiss war ccek,  acku ulac asteqsi ɣef usentel am wa". Lemmer nettmeyyiz akk akka yili aqlaɣ nerbeḥ nufat, imi nessawal tikerkas, aqlaɣ deg-sen nettidir.

Tira n tmaziɣt nebra-yas deg usegrarab, am win isegrarben yemmas, neɣ babas

Yettuɣaḍ lḥal deg wakud-a amaynut anda tira n tutlayin refden-tent igduden-nsent ar igenni, tira n tmaziɣt bran-as deg usegrarab! Ticki d tizlit n cḍeḥ ad tessalin ɣer sebεa igenwan, ma d ayen yerzan taɣuri ur ten-tuqeε ara? Am win yekkaten tagest deg ucḍaḍ-is. Yal taɣawsa tuεeṛ fell-aɣ: almad yuεeṛ, taɣuri tuεeṛ, ayen isehlen kan i nessen, i nḥemmel. Maca shala-agi ulac anda tessuffuɣ, tezmer ad ak-tessiweḍ kan ar uqwiṛ. Err-as tili!

Amar Tafat