Ddaεwessu ticki tura

Yenna-yas umedyaz "a tawaɣit, nug' a d-neffeɣ, seg yir targit!!".

Amek ara tettruḍ ɣef medden ma yella ur k-εawnen di temsal n yiseɣ s wallalen d tedrimt, yili ameddakel-ik d netta i izemmren ɣef medden-nniḍen, netta d anemgal ittallel timsal ur nezwar, tineggura, tidak ur nessεi anamek, ur nelli d ttrika, yeǧǧa timezwura yellan d iseɣ-nwen di sin. 

Yugi ad yecbu medden yessεan azal di tmetti, yettkemmil-as i tɣersi, yewwi lεaṛ gar medden, yettṣubbu ur yettali, tewwet-it tmussni, yeqqen-as iẓṛi  uεebbuḍ-is yecban acwari! Lemmer yegzi, yiss a d-yali yiṭij, ad yekkes usigna, d tbarda yettalbaben fell-as yal tikelt, ad ten-iṣuḍ am wezrem, ur mazal a d-bernen ɣer lemsaq-is. Ad isbedd ixef-is, am win-a yeṭṭucnen, am usalas, mačči am win yewwin ddel, neɣ win yeddurin tujwiṛt, ṣṣut-is yuɣal ar ddaw tmedlin, netta zaεma iṭṭes di tṛakna daxel n uẓekka, ur yelli, ur mazal ad yili, imi yewwi ddaεwessu, yewwet-it Ṛebbi! Acu ar as txedmeḍ kečči-nni?!!! Ddaεwessu i yuran, i ixeddmen tigi, d nettat i ycebbḥen tiṛẓi, i yerran acṛuf d agwni, aderɣal ur ittwali, as yeqqar "nekki nekki", netta yili am yizi n tizi.

Amar Tafat