Tutlayt akked d tlufa

Kra yettnadi ad taẓ ɣer zdat, kra yeskunur s wayen yessen, ara tt-ittarra timendeffirt, d amihi s timmad-is!

Ar tura mazal ur frint tlufa n yilindi d sellindi,, mazal nettaru s umgirred gar-aneɣ, ur ẓṛiɣ ara ɣef wacḥal n yimuren i nebḍa tira n tmaziɣt. Kra n imura ttarun s tina n zik, kra s isekkilen n taεṛabt, kra ttarun s tin n iselmaden n tmaziɣt, kra snulfan-d isekkilen yemgarden ɣef wid n temεemrit. Ihi akken qqaren : wa ijebbed, wa ikerref. Timlilit ara isdukklen imaziɣen s umata, ara d-ijemmεen imussnawen, i tifrat n tutlayt ulac-itt, ur neẓṛi ara amek ara yefru wugur-ayi. Ma nessaked ɣer tutlayin tijenṭaḍin i d-ibanen deg umaḍal... ssεant akk yiwen n ubrid n tira, yal ta s ubrid-is, u yerna yella lleqdeṛ gar imussnawen, yella uḥezzeb i uzekka n tutlay i ten-isduklen, tella tigzi, yella uqadeṛ n tutlayt, agdud si tama-s yettqadaṛ yettuṛebba, yessen abrid n llewqam. Ma di tama-nneɣ nekni s imaziɣen aqlaɣ di tmeqlac ɣef tutlayt, kra yettnadi ad taẓ ɣer zdat, kra yeskunur s wayen yessen, ara tt-ittarra timendeffirt, d amihi s timmad-is! Limmer d lebɣi, neɣ ma bɣan imaziɣen, yiwwas ad frun asentel-ayi. Ad tenddeh teɣri i imussnawen d imassanen s umata n tmaziɣt, yili imir-a Iberdan tuɣ tutlayt gten, ad buṭin ɣef yiwen ubrid iwatan, ad yekkes wugur-ayi ur nemεin.

Sɣur Amar Tafat