Amek tqelleb dunnit

Awal yettawi-d awal armi negza timsal, negza uma d ddunnit amek tetteddu.

Inna-ak Imezwaru, wiss-n anwa i d-irza

— Ad tt-qeddceḍ di tmussni, ad k-rren medden d kečč i d kečč! Yal taɣawsa ad tεeddi ɣef ufus-ik, yiwwas ad ndemmen, ad d-ikker yiwen ad t-rren deg umkan-ik.

Rriɣ-as, nniɣ-as

— Meqqar ma yessen cwi, ma yif-iyi ur i tuqeε ara. Ma tgerrez tmetti akken i bɣiɣ, akken ara feṛḥaɣ.

Inṭeq-d Wis sin yenna-d

— Izmer ad d-ikker yiwen yessεa, d ungif, ikṛeh akk tamussni, d netta ara salin deg umkan-ik

Yenna-yas-d Umezwaru

— Maca awinnat, tametti-nni ḥseb-itt, tṛuḥ, ad tuɣal akilumitr ɣer deffir!

Nniɣ-as :

— Ihi am wakken i d'as-nniɣ deg usefru-inu

"Tametti tuẓ ɣer deffir

Tuɣ tiṛẓi am ubuqal

Rfed mehjir acaεtan

Fkan-as amkan ur yuklal

Ulayɣer yesgem welqam

Iḍ m'ad yif ass amellal.."

Yenna-k Umzwaru

— Mmbaben inemgalen!

Amar Tafat