Amaḍal n tura | le monde actuel

Tamedyezt 

Amaḍal amiran

Ddunnit tuɣal ɣer llaṣel-is

Yal amcum isawal ɣer tirwas

Nugad ad tenger ddunnit

Amaḍal yehbel yuɣwas

Ttnulfunt-d tegrawliwin

Tixeṣaṛin εeddant tilas

Ayen ǧǧant tergagayin

Ayen din iɣlin d asalas

Γaḍen-iyi iɣerfan ineggren

Γellin s llbumbat d ṛṣas

Gar medden teεṛeq talwit

Win tt-icudden yefsi-yas

Rennun-as asbuḥru i tmes 

Yal wa d ttaṛ yettalas

Tuɣal armi texleḍ tegnit

D wa i d zzman amesas

Anwa ara iqeblen tagi

Igerdan ad ɣlin s ṛṣaṣ

Ttwaṭṭfen irgazen d tlawin

Ttwarzen di lleḥbas

Yal wa isenger axṣim-is

Tamdanit ččan-tt deg wass

Ttwaliɣ-tt ur din ferru

Yal wa yettgala di gmas

Zerεen ssem deg gmezruy

Yal wa ad itbeε tara-s

 Amar Tafat 

https://www.facebook.com/amar.tafat.14?mibextid=ZbWKwL