Awwu n temsrifegt | yiwen n umassan isken-d amek yessεa iḍeṛṛi

Awwu n temsrifegt, yiwen n umassan isken-d amek yessεa iḍeṛṛi.

Awwu-nni(dexxan) akk i d-itteffɣen di kra n tɣawsiwin n usnulfu, icban tikeṛyas, timesrifgin, iɣeṛṛuba, d luzinat, ad naf yettḍuṛṛu tawennaḍṭ d wid i tt-izedɣen. Yerna tin i ten-yugaren, irennu s waṭas teẓɣel i tegnewt, akken i as-semman imassanen "le réchauffement climatique". Aneggaru-ya ma yenerna s llḥammu, ad uɣalen imdanen ad ttidiren am wakken daxel n tqeṛεet n ǧlaǧ.

Sliɣ-as ussan-a, i yiwen n umassan, ittmeslay-d deg yiwen n umaṭṭaf n tiliẓṛi 5 n tefṛensist. Tettren-t (seqsayen-t), ɣef wabbu n temsrifgin, ma yettawi-d iḍeṛṛi i twennaḍṭ, d unerni n teẓɣel, yenna-asen : "awwu n temsrifgin, irennu-d aṭas n teẓɣel i tegnewt, mačči d kra"! Netta seknen-t-id icɣel d tẓembulin-ines iseqdac, yal yiwet d acu n ufares tesεa daxel. Ihi nnan-as di taggara, cwiṭ d aqesseṛ, cwiṭ d tidet : "i kečč a mass, tura, mazal tesikiled di temsrifegt, imi teẓṛiḍ, tettawi-d iḍeṛṛi? " Inna-asen : "deg wass-n deg iẓṛiɣ, tettawi-d iḍeṛṛi tmesrifegt uɣaleɣ ur ttsikileɣ deg-s, ttsikileɣ di tmacint! D tidet icban tikerkas !