Asefru ɣef TUTLAYT-NNEΓ

Nniɣ-as ad sefruɣ ciṭṭuḥ s ubrid n timawit di youtoube. Ihi ttawiɣ-d isefra di yal asentel, isefra ttalin s lijim d twuɣliwin n ubidyu. Ar deqqal yusa-id yiwen n usefru ɣef tutlayt n tmaziɣt, semmaɣ-as : «tutlayt-nneɣ». Acku walaɣ tutlayt-nneɣ tamezwarut n umezruy mazal ur tuɣ ara, ur tt-tessaɣ ara di tmurt n Zzayer. Nniɣ-as : « ad εeṛḍeɣ ad d-awiɣ fell-as asefru igerzen s wayes ara sbeɣseɣ agad ittarun d wagad i tt-iselmaden, u ad rnuɣ ad welheɣ agad d tagad ara tt-ilemden, ara tt-yarun». Ihi asefru-nni uṛǧaɣ-t ad yali am isefra-nni nniḍen, ufiɣ ugaren-t wid i d-irnan fell-as». Ad awen-iniɣ, ur i yaǧib ara llḥal, imi ur d-yufrar ara usefru-nni ɣef Tutlayt ɣas wiyaḍ ulin. Yuɣal nniɣ-as deg ul-iw : " atan tura iban-d kullec, imaziɣen ur ḥmilen ara tutlayt-nnsen di tegti, sbeṛbuṛen kan!» Di taggara ad awen-d-iniɣ : ulac d acu fehmeɣ!

Amar Tafat 

https://www.facebook.com/amar.tafat.14?mibextid=ZbWKwL