Win ittarun ur iksan ara ad yuɣal d ameskar unṣib

Asuffeɣ n yidlisen di tmurt-nneɣ.

Iqqar-as yiwen n umussnaw i yiwen i as-yeqqaren: «acimi ur d-suffɣeḍ ara idlisen-ik, mazal kan tura ad d-kkren igerdan-agi yellan dduḥ ad ak-id-xelfen ɣer deffir.».

Iqqar-as Umaru-nni iwumi ittmeslay : «awlidi, mačči di ddunnit i telliḍ, neɣ ulac d acu teẓṛiḍ, neɣ ttεemmideḍ.».

Irra-as win-a, inna-as : «idlisen-nni turiḍ wwin ula d arrazen akken Llan, teskurkruḍ-ten akken ad d-sfṛuṛxen?».

Iqqar-as : «aweddi kunwi tfeṛḥem s twaɣiyin, tfeṛḥem s yiwen ma yeɣli, Welleh ma yella wanda ara tawḍem. D ayen tfuk tigzi, tfuk teqbaylit, negra-d ad uraren yiss-neɣ igerdan. Amek nek fkan-iyi tiɣrit di lxedma-w, rniɣ ctaqeɣ ixeddim armi ur teṛwiɣ ara. Kečč tɣileḍ ur bɣiɣ ara, yak teẓṛiḍ amek i d-ssuffuɣen adlis? A kkacc! Ulac awal! Nek ɣileɣ ad d-tiniḍ : aqli ufiɣ-ak-d taẓṛigt ara k-d-isuffɣen adlis-ik s war llexlaṣ, ziɣ kečč ad iyi-tsekneḍ abrid. Abrid ay ameddakel tura ula d igerdan ssnen-t ».

Inna-as : «a nebɣa ad nɣer idlisen-ik Irra-as, inna-as : «ihi, am wass-a ad d-ffɣen, ad ten-teɣreḍ.»

• Sɣur : Amar Tafat

---

Win yeɣlin ad tt-ddun fell-as.— Amar Tafat

---

---

_{Anṣuf s tirza-nwen ɣer ublug-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.}