Sliman Ɛazem bab n tmussni - sɣur Amar Tafat

D ACENNAY MACA D AMEDYAZ D AMUSNAW SLIMAN ƐAZEM

Sliman Ɛazem d acennay n Teqbaylit, illul ass n 19 ctembeṛ 1918 deg taddart Agni Geɣran, d amedyaz ɣas ulama iseqdac aẓawan. D "amusnaw" akken i d-qqaren medden s umata, icna tizlatin, ɣef tmetti, tigemmi, amezruy, lewṣaya, lfeṛḥ, leḥzen, tasertit, temẓi, temɣer. Γef tayri ur yecni ara. Isefra-s uṣkan s uɣanib

yesεan llsas s tewsit n tmedyezt n Aab(bukṛaḍ/tercet), tawsit(genre) n Si Muḥend U Mḥend. Iḥemmel ad icnu s uɣanib-agi, ladɣa yerra-as tajmilt i umedyaz si Muḥend U Mḥend s yiwet gar tezlatin-is yesεan azal. Am wakken icennu daɣen s tewsit n tmedyezt n Ab(busin/le distique), d yiwet n tewsit taqbuṛt iseqdac Yusef U Qasi. Am wakken yega aṭas n tmezgunin n unecṛeḥ s waṭas n unamek netta d Ccix Nuṛdin, fell-as talwit ula d netta.

Deg useggas n 1973, yufa-d lḥal Dda Sliman Ɛazem yesengam(revandique) tutlayt n Tmaziɣt yettwaεezlen, s tezlatin-is, ladɣa tizlit-is ibanen srid i d-ittmeslayen ɣef tutlayt "a wid ijebden leqlam". Llan imdanen deg tallit-nni ur fhimen ara asentel n tezlit, acku ɣilen akk medden tutlayt n Teqbaylit tella kan i leɣna, ur tettwaru ara am tutlayin nniḍen, maca Dda Sliman isefruri-d tamsalt n tutlayt d tmagit am tezrawt, neɣ am wakken d asarag i d-isawel. Γur-s i d-nelmed tamsalt n tutlayt d yidles di taɣult n ccna n Teqbaylit, ɣas rnu-d ɣur-s acennay s uɣanib atrar Meksa Abdelqadeṛ acennay amazɣan, yiwwas ad aruɣ fell-as ula d netta. Fell-asen talwit di sin yid-sen. Aten-i ɣer tama n imusnawen imazɣanen am Dda Lmulud n At Mεemmeṛ, d imaziɣen nniḍen yellan di lǧennet.

Yewweḍ anda ara naweḍ ass yecban iḍelli 28 di Yennayer 1983 di temdint n Moissac(di fransa). Tesmekta-t-id tidet ɣef iteddu, d tutlayt-is d tmagit-is, fell-as tajmilt ur nettfaka.

---

Anṣuf s tirza-nwen ɣer ublu-inu! Ǧet-awennit-d awennit d asebɣes. Merci de visiter mon blog ! N’hésitez pas à laisser un commentaire.