Tizi Wezzu ~ asefru ~ sɣur Amar Tafat

Tizi Wezzu – asefru sɣur Aɛmeṛ Tafat Asefru-a n Amar Tafat yura-t-id d tajmilt i temdint n Tizi Wezzu. Imi deg-s i d-ikker seg zik; deg-s i yesεedda temẓi-s; deg-s i d-imugger irezgen n yidles. D nettat i s-imlan abrid n tidet n tnaṣlit. Ihi d aymi i s-yerra tajmilt s usefru-a icebḥen.  Ma ur nessefra ɣef temdint am ta, ad naf neǧǧa agzir ameqqran, am wakken ur yeḍṛi kra.

Aqlaɣ di Tizi Wezzu

Tamdint nettεuzu

Idles iǧuǧeg am tefsut

Sidi Balwa am qerru

Fell-as nettzullu

Izga-d nnig am tafukt

Tamdint n Tizi Wezzu

D asaru d asefru

Taqbaylit deg-s ur temmut

Tamedyezt deg-s tettuɣu

Yuɣal-d wahu

Neɣ anaẓuṛ isebbɣen taklut

Win terfed ur d-ittrusu

Deg-s tettεuzu

Am yitri i d-ittnunut

Tamdint n Tizi Wezzu

Fell-as iwata usefru

Ara s-isefḍen tagut

Fell-as aḥudd' aḥunu

Ad teḍs ad trennu

Ad ttiǧhidd am tzemmurt

(Amar Tafat)

---

Isefra nniḍen di YouTube...

Découvrez aussi ce site ...